chi vuku ahmak tinban, xcha achi ri ꜭaxtoꜭ chique ahaua. Kitzih ꜭa xqui na ahaua, xoqueçax ru tzih achij cuma, ki ꜭa ti niꜭahar can ru yaic puvak ok xoh pax.
Haok ki xoh pax pa tinamit vae.
155. Chi vuku Ahmak ꜭa xban paxic. Haoki xtole can tinamit chi Yximchee, xaꜭa ruma ri achi ꜭaxtoꜭ, ok xeel ahaua; vue kitzih xticam Tunatiuh, quecha; tan mani labal chu ꜭux Tunatiuh, tan ti qui cot ruma puvak tan ti ya. Xa rumal achi ri ꜭaxtoꜭ, tok xtole can ka tinamit, chi vuku ahmak, yx nuꜭahol.
156. Xe na chi vi naek ꜭa ahaua ruma Tunatiuh; xlauheher ok kopax pa tinamit, oki xtiquer labal ruma Tunatiuh; chi cahi Camey xtiquer ka camic ruma Castilah vinak, haok xtiquer pokonal chikih; xoh pax xe chee, xeꜭam, yxnuꜭahol, ronohel ꜭa amaꜫ, xoh camiçan ruꜭin Tunatiuh; haok xtiꜭe xeapon ri Castilan vinak, xel ꜭa pa tinamit xu tolobacan. Tok xeꜭulelax ꜭa Castilan vinak cuma Cakchiquel vinak, xban he ꜭotoh, xban ꜭa hulqueh, çimah xecamiçabex, xa ki labal chic xban ruma vinak. He ꜭa ꜭiy Castilan vinak xecam, quereꜭa queh xcam pa hul queh, xyaar ꜭa ri ꜭechevinak, ꜯutuhile, quereꜭa ronohel amaꜫ xyaar ruma Cakchiquel vinak. Quereꜭa xꜭohe vi ruxla ri ruma Castilan vinak, xꜭohe navipe ruxla ruma amaꜫ ronohel; xbeleh vinak ok ꜭa ko pax pa tinamit chi Iximchee, ok xel ru beleha.
Chi cay Ah, xel humay beleha ru banic yuhuh.
