157. Chupam ru lauha vae ki tan tiban labal ruꜭin Castilan vinak, tanti ꜭilibem Xepau ruma Castilan vinak chiri chupam ru lauha, kitan ti yao ri labal xuꜭam ru covil vinak.
158. Ok xbokotah ꜭa el Tunatiuh Xepau, xax coço ok xel mani xelah vinak chuvach; xvakvinak ok ru caba kopax pe pa tinamit ok xtolecan xbenam ꜭa richin ok xiꜭo ru ꜭata can tinamit Tunatiuh, chi cahi Camey xuporoh can tinamit, vak vinak ru caba chi labal xbanok xtzolih.
Chi cablahuh Ah xel humay lauha yuhuh.
159. Chupam huna vae xuxlan vican halal ka ꜭux xavi e ꜭoh ahaua conohel Cahi Ymox Beleheꜭat, mani xtzak chuvach Castilan vinak, tan ꜭa oh ꜭoh chila Holom Balam, yxnuꜭahol.
160. Xhunabir ok ꜭa ruꜭin huvinak, titole can ruma Tunatiuh ok xul chic Castilan vinak Chij xot; chi hun Caok, xtiquer chic ka camic ruma Castilan vinak, xꜭulelaax chic ruma vinak, xyaloh chic labal xban. Xavi xꜭhub chic chi camic, mani xyao patan ronohel huyu, xa hala chic matel humay hulauha yuhuh ok xul chic Chij xot.
Chi belehe Ah, ꜭa xel humay hulauha yuhuh.
161. Chupam huna chic vae, xavi tanti tahin labal ruma Castilan vinak xutuloba chi can Chij xot, haok ki xlaꜫabex Bulbuxya ruma Castilan vinak, vave chupam huna ki xyaloh vi labal xmani vi xyao patan ruma ronohel huyu.
