¶ The xvj fable maketh mencion of the handes / of the feet / and of the mans bely
Ow ſhalle one do ony good to another / the whiche can doo no
good to his owne ſelf / as thow
mayſt ſee by this fable / Of the
feet and of the handes / whiche
ſomtyme had grede[errata 1] ſtryf with the bely / ſayenge /
Al that we can or may wynne with grete labour
thow eteſt it all / and yet thou dooſt no good /
wherfore thou ſhalt no more haue nothynge
of vs / and we ſhalle lete the deye for honger /
And thenne when the bely was empty and ſore
hongry / ſhe beganne to crye and ſayd Alas I
deye for honger / gyue me ſomwhat to ete / and
the feet and handes ſayd / thou geteſt no thynge
of vs / and by cauſe that the bely myght haue no
mete / the conduyts thorugh whiche the metes
paſſeth became ſmal and narowe / And within
fewe dayes after the feete and handes for the
feblenes whiche they felte wold thenne haue
guuen mete to the bely / but it was to late / for
the conduits were ioyned to gyder And therfore
the lymmes myght doo no good to other / that
