¶ The fourth fable is of Iuno the godesse and of the pecok and of the nyghtyngale
Very one oughte to be content of
kynde / and of ſuche good as god
hath ſente vnto hym / wherof he
muſt vſe luſtly / As reherceth
this fable of a pecok whiche came
to Iuno the goddeſſe / and ſayd to her I am
heuy and ſorowful / by cauſe I can not ſynge
as wel as the nyghtyngale For euery one
mocketh and ſcorneth me / by cauſe I can not
ſynge / And Iuno would comforte hym and
ſayd / thy fayre forme and beaute is fayrer and
more worthy and of gretter preyſynge than the
ſonge of the nyghtyngale / For thy fethers and
thy colour ben reſplendyſſhyng as the precious
Emerawd And theyr is no byrde lyke to thy
fethers ne to thy beaulte[errata 1] / ¶ And the pecok
ſayd thenne to Iuno / All this is nought / ſyth
I can not ſynge / And thenne Iuno ſayd ageyne
thus to the pecok for to contente hym / This is
in the deſpoſycion of the goddes / whiche haue
gyuen to eyther of yow one propyrte / and one
vertue / ſuche as it pleaſyd them / As to the
they