¶ The v fable maketh mencion of the panthire and of the vylayns
Very one ought to do wel to the
ſtraunger and forgyue to the
myſerable / As reherceth this
fable of a panthere whiche fylle in
to a pytte / And whan the vylaynes or chorles of the country ſawe her /
ſomme of them beganne to ſmyte on her / and
the other ſayd pardonne and forgyue her / for
ſhe hath hurted no body / and other were that
gaf to her breed / And another ſayd to the
vylayns / beware ye well that ye ſlee her not /
And by cauſe that they were al of dyuerſe wyll /
euerychone of them wente and retorned home
ageyne wenynge that ſhe ſhold deye within the
ſayd pytte / but lytyl and lytyl ſhe clymmed vp /
and wente to her hows ageyne / and made her
to be wel medicyned / in ſo moche / that ſoone
ſhe was al hole / ¶ And within a whylle after
ſhe hauynge in her memorye the grete Iniurye
that had be done to her came ageyne to the
place where ſhe had be hurte and ſore bete / &
began to kylle & ſlee al the beſtes whiche were
