there about and put al the ſheepherds and ſwyneherds & other whiche kepte beeſtes all to flyght / ſhe brente the Corne & many other euyl and grete harme ſhe dyd then aboute / And whanne the folke of the country ſawe the grete dommage that ſhe dyd to them / they came toward her / prayenge that ſhe wold haue pyteon them / And to them ſhe anſuerd in this manere / I am not come hyther to take vengeaunce on them whiche haue had pyte and myſerycorde of me / but only on them that wold haue ſlayne me / And for the wycked and euyele folk I recyte this fable / to thende that they hurte no body / For yf alle the vylaynes hadde hadde pyte / the one as the other of the poure panthere or ſerpent whiche was ſtraunger and myſerable / as moche as ſhe was fallen in to the pytte / the for ſayd euylle and dommyge had not come to them
