¶ The ſecond fable is of the bore and of the wulf
Vche deſyren to be grete lordes /
and dyſpreyſen his parents / that
at the laſt becomen poure and
fallen in to grete diſhonour / As
thow mayſt ſee by this preſent
fable / Of a bore / whiche was amonge a grete
herd of other ſwynes / And for to haue lordſhip
and domynacion ouer alle them / he beganne to
make grete rumour / and ſhewed his grete teethe
for to make the other ſwynes aferd / but by
cauſe they knewe hym / they ſette naught by
hym / wherof he diſpleaſed moche/ and wold
goo in to a herd of ſheep / and emonge lambes /
And whanne he was amonge the lambes / he
began to make grete rumour / and ſhewed his
ſharp and long teeth ¶ And whanne the lambes
herd hym / they were ſore aferd / and begganne
to ſhake for fere / ¶ And thenne ſayd the bore
within hym ſelf / here is the place wherin I
muſt abyde and duell For here I ſhalle be
gretely worſhipped / For euerychone quaken
for fere of me / ¶ Thenne came the wulf there
for to haue and rauyſſe ſomme proye / And