certaynly I ſee a knygtt[errata 1] comynge hyther ward / whiche ledeth with hym many dogges / the whiche as ye wel knowe ben our enemyes / The foxe thenne anſuerd to the cat / My godſep / thou ſpekeſt lyke a coward / and as he that is aferd / lete them come and care not thow / And Incontynently as the dogges perceyued and ſawe the foxe and the catte / they beganne to renne vpon them / And whanne the foxe ſawe them come / he ſayd to the kat / Flee we my broder / flee we / To whome the kat anſuerd / Certaynly godſep / therof is none nede / neuer the les the foxe bylued not the cat / but fledde / and ranne as faſt as he myght for to ſaue hym / And the catte lepte vpon a tree and ſaued hym ſelf / ſayenge / Now ſhalle we ſee / who ſhalle playe beſt for to preſerue and ſaue hym ſelf / And whanne the catte was vpon a tree / he loked aboute hym / and ſawe how the dogges held the foxe with theyr teethe / to whome he cryed and ſeyd / O godſep and ſubtyle foxe / of thy thowſand wyles that ſyth late thow coudeſt doo / lete me now ſee / and ſhewe to me one of them / the foxe anſuerd not/ but was killed of the dogges fend[errata 2] the catte was ſaued / ¶ And therfore the wyſe ought not to deſprayſe the ſymple / For ſuche ſuppofeth to be moche wyſe whiche is a kynd and a very foole /
