to drynke / And as the hegoot dranke he ſawe his ſhadowe in the water / and ſpeculynge and beholdynge his ſhadowe profered and ſayd ſuche wordes within hym ſelſ / Thou haſt so fayre legges / ſo fayr a berd / and ſo fayre hornes / and haſt fere of the wulf / yf hit happed that he come ageyne / I ſhalle corryge hym wel / and ſhalle kepe hym wel / that he ſhalle haue no myght ouer me / ¶ And the wulf whiche held hys peas / and herkened what he ſayd / toke hym by the one legge thus ſayenge / what wordes ben theſe whiche thow profereſt & ſayſt brorder Hegoote / ¶ And whanne the hegote ſawe that he was taken / he beganne to ſaye to the wulf / Ha my lord / I ſaye no thynge / and haue pyte of me / I knowe wel / that it is my coulpe / And the wulf toke hym by the neck and ſtrangled hym / ¶ And therfore it is grete folye whan the feble maketh werre ageynſt the puyſſant and ſtronge.
