¶ The vij fable is of the wulf and of the aſſe
En ought not to byleue lyghtly the
counceylle of hym to whome men
purpoſen to lette / As ye maye
ſee by this fable / Of a wulf
whiche ſomtyme mette with an
Aſſe / to the whiche he ſayd / My broder I am
l)ongry / wherfor I muſt nedes ete the / ¶ And
thenne the Aſſe anſuerd ryght benyngly / My
lord / with me thow mayſt doo what ſomeuer
thow wylt / For yf thow eteſt me / thow ſhalt
putte me oute of grete payne / But I preye the
yf thow wylt ete me / that thou voucheſauf to
ete me oute of the way / For wel thow knoweſt
that I brynge home the rayſyns fro the vyne /
and fro the feldes home the corne / ¶ Alſo wel
thow knoweſt / that I bere home wood fro the
foreſt / And whanne my maiſter wel do buyld
ſomme edyffyce / I muſt go fetche the ſtones
from the montayne / And at the other parte I
bere the corne vnto the mylle / And after I bere
home the floure / And for alle ſhort concluſions
I was borne in a curſyd houre / For to alle payne
and to alle grete labours I am ſubmytted & sub-