¶ The xiij fable is of the wulf and of the foxe
One maye not be mayſter without
he haue be fyrſte a diſciple / As
hit appiereth by this Fable / Of
a Foxe whiche came toward a
wulf / and ſayd to hym / My lord
I praye yow that ye wylle be my godsep /
And the wulf anſuerd / I am content / And the
foxe toke to hym his ſone prayenge hym that to
his ſone he wold ſhewe and lerne good doctryne /
the whiche the wulf tooke / and wente with hym
vpon a montayne / And thenne he ſayd to the
lytyll foxe whanne the beetles ſhalle come to the
feldes calle me / And the foxe wente and ſawe
fro the top of the hylle / how the beeſtes were
comynge to the feldes / and forth with he wente
and called his godfader / and ſayd My godfader
the beeſtes comen in to the feldes / And the wulf
demaunded of hym / what beſtes are they / and
the fox anſuerd / they be bothe kyne & swyn to
gyder / Wel ſayd the wulf / I gyue no force for
them / lete them go for the dogges ben with
them / And ſoone after the foxe dyd loke on
another ſyde / and perceyued the mare whiche
wente
