¶ The eyght fable is of the two felawes
En ought not to hold felauſhip with
hym / whiche is acuſtommed to
begyle other/ As hit appiereth
by thys Fable / Of two felawes
whiche ſomtyme held felauſhip
to eche other for to goo bothe by montaynes and
valeyes And for to make better theyr vyage / they
were ſworne eche one to the other / that none
of them bothe ſhould leue other vnto that the
tyme of dethe ſhold come and departe them /
And as they walked in a foreſt they mette with
a grete wyld bere / & bothe felaws ran lone awey
for fere / of the whiche the one clymmed / vpon
a tree / And whan the other ſawe that his felawe
had lefte hym leyd hym ſelf on the erthe / and
fayned to be dede / And Incontynent the bere
came for to ete hym / but by cauſe the gallaunt
playd wel his game / the bere went forthe his
waye and touched hym not / And thene his felawe
came doun fro the tree whiche ſayd to hym / I
pray thee to telle me what the bere ſayd to the /
For as me ſemeth he ſpake to the / and hath
