¶ The vij fable is of the Foxe of the Cock and of the dogges
lle the ſallary or payment of them
that mokken other is for to be
mocqued at the laſt / as hit appiereth
by this preſent Fable / of
a Cock whiche ſomtyme ſawe a
foxe comynge toward hym ſore hongry and
famyſſhed / whiche Cock ſuppoſed Wel that he
came not toward hym / but for to ete ſomme
henne / for whiche cauſe the Cock maade al his
hennes to flee vpon a tree / And whan the foxe
beganne tapproche to the ſaid tree / he began to
crye toward the cock good tydynges good tydynges
/ And after he ſalewed the cok ryght
reuerently / & demaunded of hym thus / O godſep
/ what doſt thow ther ſoo hyghe / And thy
hennes with the / haſt not thow herd the good
tydynges worthy and prouffitable for vs ¶ And
thenne the Cok ful of malyce anſuerd to hym /
Nay veryly godſep / but I praye the / telle and
reherce them vnto vs / Thenne ſayd the foxe to
the cok / Certaynly godſep / they be the beſt
that euer ye herd / For ye may goo and come /