¶ The xvi fable is of the lyon / of the wylde bore / of the bole & of the aſſe
hanne a man hath loſt his dignyte or offyce / he muſte leue his fyrſt auducyte[errata 1] or hardyneſs / to thende / that he be not iniuryed and mocqued of euery one / wherof Eſope ſheweth vnto ſuche a fable / There was a lyon whiche in his yongthe was fyers and moche outragyous / ¶ And when he was come to his old age / there came to hym a wyldbore / whiche with his teeth rent and barſt a grete pyece of his body and auenged upon hym of the wrong the lyon had doo to hym before that tyme / ¶ After came to hym the boole whiche ſmote and hurted hym with his hornes / And an aſſe came there / whiche ſmote hym in the forhede with his feete by maner of vyndycacion / And thenne the poure Lyon beganne to wepe ſayenge within hym ſelf in this manere / When I was yonge and uertuous euery one doubted and fered me / and now that I am old and feble / and nyghe to my dethe / none is that ſetteth ne holdeth ought by me / but of euery one I am ſetten aback / I haue loſt