¶ The xvj fable is of the mule and of the flye.
Omme maken gretemenaces / whiche
haue no myghte / ¶ Wherof Eſope
reherceth ſuche a fable / ¶ Of a
carter / whiche ladde a Charyot
or carte / whiche a Mule drewe
forthe / And by cauſe the Mule wente not faſt
ynough / the flye ſayd to the Mule / Ha a payllart
Mule / why gooſt thow not faſter / I ſhalle ſoo
egrely pryke the / that I ſhalle make the go
lyghtely / ¶ And the Mule anſwered to the
flye / God kepe and preſerue the mone for the
wolues / For I haue ne grete drede ne fere of
the / But I drede and doubte ſore my mayſter /
whiche is vpon me / whiche conſtrayneth me to
fulfylle his wylle / ¶ And more I oughte to
drede and doubte hym more / than the / whiche
arte nought / and of no valewe ne myght /
¶ And thus men ought not to gette by ne
double[errata 1] them / whiche haue no myght ne that
ben of no valewe