¶ The xx fable maketh mencion of the Oxe / and of the frogge / whiche wold haue compared her to hym
He poure ought not to compare hym
ſelf to hym which is ryche and
myghty / As ſayth this fable of a
frogge / whiche was in a medowe /
when ſhe aſpyed and ſawe an oxe
whiche paſtured / She wold make her ſelf as grete
and as myghty as the oxe / and by her grete
pryde ſie beganne to ſwelle ageynſte the oxe /
And denaunded of his children yf ſhe was not
as grete as the oxe and as myghty / And theyr
children anſuerd and ſayd nay moder / For to
loke and behold on the oxe / it ſemeth of yow to
be nothynge / And thenne the frogge beganne
more to ſwelle / ¶ And when the oxe ſawe her
pryde / he thradde and threſted her with his fote /
and brake her bely / Therfore hit is not good to
the poure to compare hym ſelf to the ryche /
Wherfore men ſayn comynly / Swelle not thy
ſelf / to thende that thow breſte not
¶ Here fynysshed the ſecond booke of Esope /
