¶ Here begyneth the thyrdde booke of the ſubtyle fables of Esope / wherof the fyrste maketh mencion / of the lyon / & of the pastour or herdman
He myghty and puyſſant oughte not
to be ſlowfull of the benefetes
done to them by the lytyl and
ſmalle And oughte not alſo to forgete
them / but that they may be
rewarded of them / ¶ And this fable approueth
eſope & ſhoweth vnto vs / of a lyon whiche ranne
after a beeſt / and as he ranne / a thorne entred
into his foote / whiche hurted and greued hym
gretely / wherfore he mught no ferther goo /
but as wel as he cowde he came to a ſhepeherd
whiche kepte his ſheep and beganne to flatere
with his taylle ſhewynge to hym hys foote / whiche
was ſore hurted and wounded / The ſhepherd
was in grete drede and caſted before the lyon
one of his ſheep / But the lyon demaunded no
mete of hym / For more he deſyred to be medycyned
and made hole of his foote / ¶ And
after whenne the ſhepherde ſawe the wounde / he
with