¶ The ſeventh[errata 1] fable is of the foxe and of the wulf
Ortune helpeth bothe the good and
euylle folke / and to alle them /
whiche ſhe helpeth not ſhe ſendeth
euylle to them / And they that
ſetten alle theyr malyce ageynſte
fortune ben ſubuertyſed and ouerthrawen by
her / wherof Eſope reherceth ſuche a fable / Of
a wulf whiche had aſſembled to gyder a grete
proye / or moche mete for to haue lyued more
delyciouſly / wherof the foxe had grete anuye /
and for to haue robbed ſomme of this good / he
came vnto the cauerne or hole where as this
proye or mete was in / and ſayd to the wulf /
My godſep the wulf / by cauſe hit is longe ſyth I
godſepawe the / I am in grete heuyneſſe and ſorowe /
and alſo by cauſe we haue not been in longtyme
gone chaced and gone to gyder / ¶ And whan
the wulf knewe the malyce of the foxe / he ſayd
to hym thow arte not come hyder for to ſee me /
ne how I fare / but thou arte come for to robbe
and rauyſſhe my good / For the whiche wordes
the foxe was moche angry / and wente toward a
ſheepherd