12
But scarcely three bare weeks were past, When Death did come and grip me fast, Sae sudden that I had nae pow'r The charter back for to restore. Soon after that hame came the heir, And syne got up the reefu' rair, What sorrow was come o' the Rights ? They sought them several days an' nights, But never yet hae they been seen, As I aneath a meikle stane, Did hide them, i' this cham'er wa', Well sewed up in a leather ba'; But I was ne'er allowed to rest, Until that I the same confest; But this to do I hadna power, Frae yon time to this verra hour, That I've reveal'd a' to you ; And now I'll tell you what to do. Till nae langsyne nae mony kent, That this same Laird the Rights did want; But now they ha'e him at the law, An' the neist owk the Laird maun shaw, Afore ihe Court, the Rights o's land, This puts him to an unco stand : For if he disna shaw them there, O' a' his lands he'll be stript bare : Nae hopes has he to save's estate, This make him sowr and unco blate ; He canna think whar's Rights may be, And ne'er expects them mair to see, But now, my friend, mark what I tell, And ye'll get something to yoursel';