13
Tak out the stane there in the wa',
And there you'll get the leather ba',
'Tis just the same that you did see,
Whan you said that you wad help me,
The rights are sew'd up in its heart;
But see ye didna wi' them part,
Until the Laird shall pay you down
Just fifty guineas and a crown,
Whilk at my death was due to me,
This for thy trouble, I'll give thee;
And I'll disturb this house nae mair,
'Cause I'll be free from all my care.
This Thrummy promised to do,
And syne the Ghaist bid him adieu,
And vanished with a pleasant sound,
Down thro' the laft, and thro' the ground.
Thrummy gade back syne till his bed,
And cowardly John was verra glad,
That he his neiber saw once mair,
For of his life he did despair.
Wow man, quoth john, whar hae you been,
Come tell me a' fat ye hae seen,
Na, bide, says Thrummy, till day-light,
And syne l'll tell you hale and right.
Sae baith lay still and took a nap,
Until the ninth hour it did chap;
Thrummy sine raise, put on his claes,
And to the cham'er quick be gaes.
Taks out the stane into the wa',
And soon he found the leather ba';
Took out the rights, replaced the stane,
Ere John did ken whar he had been ;
