5
Come, John, let's in, will tak a seat,
Fat sorrow gars you look so blate ?
Sae in he gangs and sets him down ;
Says he, They're nae about your town
Sall put me out till a new day,
As lang's I've siller for to pay.
The Landlord said, Ye're rather rash,
To turn you out we sanna fash,
Since ye're sae positive to bide,
But troth ye're sit by the fire-side ;
I tald ye else of beds I've nane
Unoccupied, except bare ane,
In it, I fear, ye winna lie,
For stoutest hearts hae aft been shy,
To venture in within the room,
After the night begins to gloom ;
For in it they can ne'er get rest,
'Tis haunted by a frightfu' ghaist?
Oursels are terrified a night,
Sae ye may chance to get a sight,
Like that which some of our fowk saw,
Far better till ye gang awa,
Or else ye'll maybe rue the day.
Guid faith, says John, I am thinking sae;
Better into the neuk to sit,
Than fly'd, Gude keep's, out o' our wit :
Preserve us ever frae all evil,
I wadaa like to see the devil ;
Whisht gowk, quo Thrummy, haud your peace,
That sanny gar me quit this place :
To great nor sma' I ne'er did ill,
No ghaist zor deil my rent shall spill.
