6
Mag. Indeed sall ye. Johnny, thou's no ⟨want⟩ twa kisses, ane on every side of the mouth, man.
Jock. Ha, ha, Maggy, I'll hae a merry night ⟨of⟩ kissing you shortly.
Mag. Ay, but Johnny, you maun stay till ⟨that⟩ night comes; it's best to keep the feast until the feast day.
Jock. Dinna be angry. Maggy, my wife to be; for I have heard my mither saying in her daffin, that fouk sud aye try gin their house will haud their plenishing.
Mag. Ay, Johnny, a wife is ae thing and a house anither; a man that's a-mind to marry a woman, he'll aye be fond o' her.
Jock. 'Tis a' true Maggy, but fouks may kiss or they be married; and no hae nae ill in their minds.
Mag. Indeed, Johnny, I like you better than ony lad I see; an I sall marry you and ance my faither's muck were out; my mither downa work at the midden.
Jock. A Maggy, Maggy! I'm feared ye beguile me, and then my mither will murder me for being so silly.
Mag. My jo, Johnny, tell your mither to provide a' things for the bridal and I sall marry you in three ouks after this; but we maun gie in siller to