7
the Precentor, a groat and a drink to the Bellman, and then the kirk wa's maun bear o't three Sundays or it come.
Jock. But Maggy, I'm no to mak a blin bargain wi' you nor nae body; I maun ken of your things, and you sall ken of mine.
Mag. I ken well what I was to get, and gin my mither like the bargain weel, she'll mak it better; but an my father be angry at the bargain, I darna speak of marrying.
Jock. I seena how he can be angry; I wat well I am a gay sturdy fellow, when I laid a bow and five pecks of beer on the Laird's Bawsy, and he's as bilshy a beast as in a' the barony.
Mag. Ay, but my mither is aye angry at ony body that evens themselves to me, an it dinna them she likes, indeed she bade me tak ony body, if it wasna auld tottering Tammy; for his bread is aye brown wi' suckling tobacco, and slavers a' the breast of his fecket.
Jock. O Maggy, take me and I'll tell ye what I hae. First my father left me, when he died fifty merks, twa sacks, twa pair of sunks; the hens and the gaun gear was to be divided between me and my mither, aud if she died first, a' her gear was to come in among mine, and if I died before her, a' my gear was to come back to her again, and her to marry anither man if she could get him But since 'tis
