8
sae, she is to gie me Brucky and the black mare, the half of the cogs, three spoons, and four pair of blankets anda cannas: she's too big twabey to her ain gravel, to be a dwelling house to me and my wife, and I'm to get the wee byre at the end of the raw, to haud my cows an twa couties; the half of the barn, and a bed of the kail-yard, as lang as she leaves, and when she dies. I'm to pay for the yerding honestly; and a' the o'ercome is to be my ain; and by that time I'll be as rich as e'er my father was before me.
Mag.Truly, Johnnie; I'se no say mickle to the contrait, but an ye hae a mind to tak me wi' what I hae, tell me either now or never, I'se be married or lang be.
Jock. I wat weel I'm courting in earnest, tell me what you hae, an we'll say na mair, but marry ither.
Mag. I'se tell you a' I ken of, whate'er my guidame gies ye's get it.
Jock. That's right, I want nae mair, 'tis an unco thing to marry, a naked woman, and get naething.
Mag. O Jonny, ye're in the right o't, for mony a ane is beguiled and gets naething, but my father is to gie me forty pounds Scots that night I am married, a lade of meal, a furlet of groats: auld
