CHAPTIR THRIE.
Paul and Apollos. The temple o' God no to be degil't.
AND I, brethren, could only speak to ye as men o' flesh, as bairns in Christ; and no as to spiritual men.
2. Wi' milk I fed ye, and no wi' meat; for ye war-na yet able for't: nay! e'en yet ye are-na able!
3. For ye are yet fleshly; for whaur thar are amang ye jealousy and strife, are-ye-no. fleshly, and gaun-on as men?
4. For when ane says, "I, in sooth, am o' Paul!" but anither, "I am o' Apollos!" are ye no fleshly men?
6. Wha, than, is Apollos 'I and wha is Paul? Juist servants, throwe wham ye believ't: e'en as the Maister gied to ilk ans.
6. I plantit, Apollos wa.tir't; but God make to grows.
7. Sae, than, naither he that plants is onything, nor be that watirs, but God that make to grows.
8. And he that plants, and he that watirs, are baith ane: hoobeit, ilk ane sal has his ain reward, e'en as his labour sal be.
9. For we are God’s fellow-workers; and ye are God's mailin, God's biggin.
10. E'en as the favor o' God was gien me, as a wyss biggin-maister I lay a fundation, and anither biggs on't. But lat ilk ane tak tent hoo he big tharon!
11. For ocht ither fundation nane can lay but that whilk is laid, that is Jesus Christ.
12. But gin ony ane is up—biggin on the fundation, wi' gowd, siller, precious gems, wud, gerss, stibble—
13. Ilk ane's wark wull be made plain; for the day wull set it forth: and the lows wull try ilk ane's wark, o' whatna sort it is.
14. Gin ony ane's wark whilk he has biggit tharon stauns, he sal has his meed:
15. Gin ony ane's wark sal be brunt up, he sal [1]hae skaith; hoobeit, be his sel sal be sav’t; yet as throws the fire.
16. Ken-yena that ye are a temple o' God, and God’s Spirit is dwallin in ye?
17. Gin ony man destroy God's temple, him wull God [2]destroy; for the temple o' God is holie; whilk in sooth are ye.
18. Lat nae ane delude his sel: gin ony ane thinks he is wyss amang ye i' this warld. lat him become witless, in order that he may become wyss.
19. For the wisdom o' this warld is daftness wi' God. For it is putten-doon, "He snares the wyss wi' their ain pawkiness."
20. And ance mair: "The Lord taks tent o' the reasonins o' the wyss, that they are havers."
21. Sae, lat nane boast o' men; for a' things are yere ain,
22. Gin aiblins it be Paul, or Apollos, or Peter, or the warld, or life, or death, or things wi' us, or things to be—a' are yere ain;
23. But ye are Christ's: but Christ is God's.
CHAPTIR FOWR.
Modesty enjoined. Paul wad fain hae them do as he did.
SAE lat a man pit us doon as actin for Christ; as awmoners o' God's secret things.
2. And here, too, it is necessar that awmoners be fund honest.
3. But wi' me, it is a sma' thing that I soud be judged by you, or on
- ↑ V. 15. Hoo gude is the Lord, that when a' oor war is wr-a.ng——gin we ettled purely—we has skaith, but are-nn. lost oorsels! But hoo it soud mak us tak tent, sae as we bigg-ns wrang!
- ↑ V. 17. Ana "destroys" the temple, whan he destroys the holiness o't. And gin he sae do, God wull destroy him! Paul has the same word twice.
