25. For the "folly" 0' God is wysser not men; and the "weakness" 0' God michtier nor men.
26. For look at yere bidden, brethren; that no mony wyse accordin to the flesh, no mony o' pooer, no mony heigh anes war chosen;
27. On the contrar, God chose the witless things 0' the warld, that he soud shame thae that are wyss; and the weak things 0' the warld God waled, to shame the things that are michty;
28. And the laigh things 0' the warld, and the geck't-at things God waled—things no existin—that existin things micht be brocht to nocht.
29. See as nae flesh soud boast in God's presence.
30. But 0' him are ye in Christ Jesus, wha has made wisdom frae God to us, and richtousnoss, and santification, and redemption:
31. Sae, as it is putten-doon, "He that boasts, lat him boast i' the Lord."
CHAPTIR TWA.
Salvation disna. come wi' the knowledge 0' man. The nateral man and the spiritual man.
AND I, whan I cam to ye, brethren, cam-na i' the way 0' speech or wisdom that excelled, bringin to ye God': testimonie.
2. For I set doon my lit to ken naething amang ye, but Jesus Christ, and him as ane that had been crucify't.
3. And I cam, in fecklessness and shrinking, and wi' muckle fear, to be wi' ye;
4. And my speech and in message warna wi' wbeedlin words o' the wyss, but in demonstration o' spirit and pooer.
5. See that yere faith need-na staun in men's wisdom, but in God's pooer.
6. Wisdom, nane-the-less, we speak—amang experienced anes: wisdom hoobeit, no 0' this warld, nor 0' the great men 0' this warld—wha are to be a' putten-by;
7. But we speak God's wisdom in a riddle, the knowledge that had been keepit hidlins, whilk God designed aforehaun, afore a' time. for oor glorie,
8. That no ane o' the great anes 0' this warld has come to ken; for had they come to ken, they wadna i' that case hae crucify't the Lord 0' Glorie!
9. But, e'en as it is putten doon, "What-na things the ee[1] saw-na, and the ear heard-na, and man's heart conceiv't-na—sae mony things has God prepared for thae that lo'e him!"
10. To us, nane-the—less, has God reveal't them, by the Spirit; for the spirit kens a' things, e'en the deep things 0' God.
11. For wha 0' men kens man's things, but man's spirit that is in him? Sae, nane kens the things 0' God, but God's Spirit.
12. But we gat, no the wa.rld's spirit, but the Spirit that is 0' God, sae as we soud ken the things God gies to us by his favor;
13. Whilk things eke we speak, no in man-taught words 0' lear; but in words spirit-taught to spiritual men, spiritual things exponin.
14. But a man 0' flesh taks-na in the things 0' God's Spirit; for they are daftness to him, and he canna get to ken them, for that they are to be spiritually redd oot.
15. But the spiritual man speirs oot a' things; but he his sel is speir't oot by nane.
16. For wha cam to ken the Lord's mind, that he micht gie him lear? But we ha'e Christ's mind.
- ↑ 1 V. 9. While a hantle folk tak thir words as meanin the glorie o' the future life, it is better to look on them as settin oot the wisdom and the joy 0' thae that are born again. Paul, and the lave, had it a' (v. 10). And they gat naething contrar whan they gat hame to Glorie; only mair o't!
