13. Than the disciples begude to see that he spak to them 0' John the Baptist.
14. And whan they war come till a' the folk, thar cam till him a man, loutin doon on his knees, and sayin,
15. "Lord, hae mercie on my son; for he is sair dementit, and unco hauden; for aft he fa's intil the fire, and aft intil the watir:
16. "And I feshed him tae thy disciples; and they coudna heal him."
17. And Jesus said, "O race, thrawart and wantin faith? hoo lang sal I be w'ye? hoo lang sal I thole ye? Bring him here to me!"
18. Than did Jesus challenge the demon, and he gaed forth oot o' him; and the laddie was made hale frae that 'oor.
19. And than the disciples cam to Jesus, a' by their sels, and quo' they, "Why was't we couldna cast him oot?"
20. And he says to them, "For that ye want faith: for truly say I t'ye, gin aiblins ye bad faith e'en as a pickle o' mustard-seed, ye sal say till this mountain, 'Flit ye to yon place!' and it sal flit; and nocht sal be ayont yere pooer.
21. "But this kind gangs-na oot, but in prayer and fastin."
22. And while they bade in Galilee, Jesus says to them, "The Son 0' Man sal be giesn up, intil men's hauna
23. "And they wull slay him; and the third day he wull rise again." And they war uncolie grieved.
24. And when they cam to Capernaum, they that took in the Hauf-shekel, cam nar to Peter, and quo' they, "Yere Maister—dis he no pay the [1]Hauf-shekel?"
25. Quo' he, "Aye!" And whan he cam intil the hoose, Jesus spak first, and quo' he, "What dae ye think, Simon? Frae wham dae kings o' the yirth tak toll and tribute? frae their ain folk, or free fremd folk?"
26. Peter says to him, "Frae iremd folk." Quo' Jesus to him, "Than their ain folk are free!
27. "But that we gar-them-na stummle, gang ye till the Loch; and cast in a heuk, and tak the first fish comin up; and openin its mou', ye sal find a shekel. Tak it, and gie to them for me and you."
CHAPTIR AUCHTEEN.
Bairn-like is God-like. Conquerin wi' lots. The ungratefu' servant.
I' THAT 'oor cam the disciples till Jesus, and quo' they, "Wha is boonmaist i' the Kingdom 0' Heeven?"
2. And he ca'd till him a bairn, and set him i' the mids 0' them,
3. And quo' he, "Gin ye turn-na, and come to be like a bairn, ye enter-na intil the Kingdom 0' Heaven.
4. "Whasae than sal mak his sel naething, as this wee bairn, the same is heigher i' the Kingdom 0' Heeven.
5. "And whasae taks till him as sic wee bairn i' my name, take me till him.
6. "But whasae sal mak to fa' ane a' thae wee things that lippen tae me, it had been better for him to hae a mill-stane hung aboot his neck, and he sunk i' the deeps o' the sea.
7. "Wae to the warld for snares o' stummlin! For snares wull come; but was to the man by wham the snares come.
8. "And sae, gin yere haun or fit ensnare ye, sned it afi', and cast it awa; it is gude for ye to enter intil life hirplin or maim'd, raither than wi' twa hauns or feet to be cuisten intil nevir-endin lowe!
9. "And gin yere ee ensnare ye, oot wi't, and cast it awa; it is gude
- ↑ V. 24. This was tribute for the Temple; and. till the Great Atonement was ofer't, Jesus wad hae the Temple-service keepit up.
