18. "And I say t'ye, ye are a Rockman; and on this Rock wull I bigg my kirk; and the yetts 0' Hell sal nevir owercome it!
19. "And I wull gie t'ye the keys 0' Heeven's Kingdmn; and what ye sal bind on the yirth sal be bund in Heaven; and what ye sal lowse on the yirth sal be lowsed in Heeveu."
'20. Than chairged he the disciples no to tell ony man he was the Anointit Ane.
21. Frae that time forrit Jesus begude to schaw till his disciples, hoo that he bude gang to Jerusalem, and dree mony things 0' the Elders and Heid-priests and Writers; and be slain; and on the third day be waukened again.
22. Than Peter took him aside, repruvin him; and quo' he, "Hae mercy on thysel'! this sal nevir be thy fa'!"
23. But he turned him aboot, and quo' he to Peter, "Ahint me, Sautan! ye are but a snare to me! for ye seek-na the things 0' God, but the things 0' men!"
24. Than quo' Jesus to his disciples, "Gin ony man wad come eftir me, lat him deny his sel, and tak up his cross, and follow me.
25. "For whasae wad save his life sal tine it; and whasae wull tine his life for my sake, sal win it.
26. "For what is a man the better, tho' he win the hail warld, and tine his ain saul? or what sal a man gie as ca'tion for his saul?
27. "For the Son 0' Man comes in the glorie o' his Faither, wi' the Angels; and than sal he gie every man accordin as his wark sll be.
28. "Truly say I t'ye. thar are thae staunin here, wha sal in naegate gee death, till they has seen the Son 0' Man[1] comin in his Kingdom!"
CHAPTIR SEEVENTEEN.
Jesus for a wee in glorie. The puir daft laddie. A fish brings tribute-money.
AND sax days eftir. Jesus taks Peter, and James, and his brither John, and brings them up intil a heigh mountain by their sels:
2. And was transfigur't afore them; and his face beamed like the sun, and his cleedin glintit as the licht.
3. And look! thar was seen by them Moses and Elijah, speakin wi' him.
4. Than answer't Peter, and quo' he to Jesus, "Lord! it is guid for us to be here! Gin thou wull, lat us mak here thrie bothies—for thee ane, and for Moses ane. and for Elijah ane."
5. Whiles he was speakin, lo! a clud o' brichtness cam ower them; and a voice cam oot 0' the clud sayin, “This is my Son! the Beloved, wham I delicht in! Hear ye till him!"
6. And whan the disciples heard, they fell on their faces, fearin uncolie.
7. And Jesus cam nar, and touched them, and said, "Rise, and be-na fley't!"
8. And liftin up their een, they saw name, but Jesus alane.
9. And comin doon frae the mountain, Jesus chairged them, “"Schaw ye the vision tae nae man, until the Son 0' Man rise frae mung the deid!"
10. And his disciples speir't at him, "Hoo than dae the Writers say, 'Elijah maun first come"?"
11. And he answer't them, "Elijah dis come, and redd a' things.
12. "But say I, Elijah is come already, and they kent him na; but did till him as they desir't. E'en sae sal the Son 0' Man dree 0' them!"
- ↑ V. 28. Hon dour they war to under-staun that his Kingdom was a spiritual ane! They gut a wee blink o' whatna kingly glory was his sin, at the Transigurin. But it was was that he bude chairge them no to tell he was the Anointit (ver. 20), as lang as they didna understsun what he was anointit for!
