Apostolica Tua vox iterum auribus nostris insonuit, nuncians novum æternæ veritatis triumphum, sanctorum cœlitum gloria refulgentem, antiquum Urbis æternæ, Beatorum Apostolorum Petri et Pauli sanguine consecratæ decus, quorum martyrii memoria sæcularis rediens, totum hodie Orbem Christianum lætitia afficit et fidelium mentes ad salutarem maximarum rerum cogitationem extollit.
Jucundissima apostolici oris ad festa talia nos peramanter invitantis verba percipere minime potuimus, quin continuo subiret animum solemnium illorum memoria, quæ ante annos quinque Tuo lateri adstantes in urbe peregimus, et grati recordaremur, qua tune nos benignitate et humanitate habueris, qua nos paterna caritate fueris in ilia faustissima gratulatione complexus. Hæc suavis recordatio, hæc amantissimi Patris non tarn jubentis quam optantis vox illam animis nostris ad Romanum iter capessendum alacritatem adjecit, quam Tibi, Beatissime Pater, satis luculenter amplissima hæc Antistitum frequentia, qui tertium ad Te confluxerunt, et communis omnium pietas ac fidelis observantia declarant. Tarn ingenti Antistitum numero, cui vix simile quid in præteritarum ætatum memoria reperitur, par solummodo est Tua in nos charitas ac benevolentia, par unice obsequii amorisque in Te nostri magnitude. Hisce autem causis vehementius hodie excitamur, ut eximias virtutes Tuas, Sedem Apostolicam novo illustrantes lumine, novo etiam prosequamur honore, et augustissimum Tuum animum graves inter, quibus premeris at non concuteris, ærumnas, iterate amoris et admirationis testimonio coram solemur.
Sed dum votis obsecuti sumus Tuis, alium etiam optatissimum nobis spectavimus fructum, ut scilicet cor nostrum tot Ecclesiæ malis sauciatum paterni Tui vultus recrearemus adspectu, fraternam inter nos concordiam magis magisque roboraremus, ac communem Tibi nobisque solatii et gaudii materiem quæreremus.
Hanc vero lætandi causam Tu maximam nobis præstas, dum tot nova sanctorum nomina fastis Ecclesiæ inscribens homines potenter edoces, quanta sit quamque iuexhausta matris Ecclesiæ fœcunditas. Hanc triumphantium gloriosus martyrum sanguis exornat; hanc inviolatæ confessionis candida induit virginitas, hujus floribus nee rosae nee lilia desunt. Tu, cœlestia virtutum præmia mortalibus ostendens, oculos a rerum inanium conspectu ad jucundam cœli gloriam erigere doces. Tu, dum homines mirandis ingenii sui industriæque operibus exsultant, triumphale sanctorum Dei vexillum attollens illos admones, ut, super ipsam rerum adspectabilium et gaudiorum humanorum pompam ac speciem, oculos ad Deum omnis sapientiæ et pulchritudinis fontem convertant, ne ii, quibus dictum fuit 'Subjicite terram et dominanimi' obliviscantur unquam supremi illius præcepti, 'Dominum Deum tuum adorabis et illi soli servies.'
Ast qui suspicientes cœlestem Jerusalem, novorum sanctorum gloria gestientem, mirabilia Domini humili corde agnoscimus et profitemur, magis etiam ad hæc celebranda incendimur, dum hodierna sæculari solemnitate immotam contemplamur petræ illius firmitatem, super quam Dominus ac Redemptor noster Ecclesiæ suæ molem perpetuitatemque constituit. Divina enim virtute factum cernimus, ut Petri Cathedra, organum veritatis, unitatis centrum, fundamentum et propugnaculum libertatis Ecclesiæ, tot inter rerum adversitates et non intermissa hostium molimina octodecim jam elapsis plane sseculis, stet firma incolumisque; dum regna et imperia surgunt ruuntque vicissim, stet veluti secura pharus in procelloso vitas asquore mortalium iter dirigens, tutamque stationem et portum salutis sua luce commonstrans.
Hac fide, hisce sensibus ducti loquebamur olim, Beatissime Pater! cum ante quinquennium Tuo throno adstantes sublimi Tuo ministerio debitum testimonium dedimus, votaque pro Te, pro civili Tuo principatu, pro justitiæ ac religionis causa palam nuncupavimus. Hac fide ducti verbis scriptoque eo tempore professi sumus, nihil nobis potius et antiquius esse, quam ut quæ Tu Ipse credis ac doces, nos quoque credamus et doceamus, quos rejicis errores, nos item rejiciamus. Te duce unanimes incedamus in viis Domini, Te sequamur, Tibi adlaboremus ac Tecum pro Domino in omne discrimen fortuuamque parati decertemus. Cuncta hæc, quæ tunc declaravimus, nunc denuo piissimo cordis sensu confirmamus, idque universo orbi testatum esse volumus; grato simul recolentes animo, plenoque laudantes assensu, quæ a Te in salutem fidelium et Ecclesiæ gloriam ab eo quoque tempore gesta fuerunt.
Quod enim Petrus olim dixerat, 'non possumus quæ vidimus et audivimus non loqui,' Tu pariter sanctum et solemne habuisti, ac nunquam non habere luculenter demonstras. Non enim unquam obticuit os Tuum. Tu æternas veritates annunciare, Tu sæculi errores, naturalem supernaturalemque rerum ordinem atque ipsa ecclesiasticæ civilisque potestatis fundamenta subvertere minitantes, apostolici eloquii gladio configere, Tu caliginem novarum doctrinarum pravitate mentibus offusam dispellere, Tu quæ necessaria ac salutaria sunt tum singulis hominibus, turn Christianæ familiæ, tum civili societati, intrepide effari, suadere, commendare supremi Tui ministerii es arbitratus; ut tandem cuncti assequantur quid hominem Catholicum tenere, servare ac profiteri oporteat. Pro qua eximia cura maximas Sanctitati Tuæ gratias agimus, habituri sumus sempiternas; Petrumque per os Pii locutum fuisse credentes, quæ ad custodiendum depositum a Te dicta, confirmata, prolata sunt, nos quoque dicimus, confirmamus, annuntiamus, unoque ore atque animo rejicimus omnia, quæ divinæ fidei, saluti animarum, ipsi societatis humanae bono adversa, Tu ipse reprobanda ac rejicienda judicasti. Firmum enim menti nostræ est, alteque defixum, quod Patres Florentini in decreto unionis unanimes definiverunt: Romanum Pontificem 'Christi Vicarium, totiusque Ecclesia caput et omnium Christianorum Patrem et Doctorem existere, et ipsi in beato Petro pascendi, regendi ac gubernandi Universalem Ecclesiam a Domino Nostro Jesu Christo plenam potestatem traditam esse.'
Sed alia præterea sunt, quæ nostram in Te caritatem, gratosque animi sensus provocant. Magna enim cum jucunditate admiramur heroicam illam virtu tern, qua perniciosis sæculi machinationibus obsistendo, dominicum gregem in via salutis servare, contra seductiones erroris munire, contra vim potentium et falsorum sapientum astutiam tueri adnisus es. Admiramur studium illud fatigari nescium, quo emolumenta universæ Ecclesiæ, apostolica providentia Orientis et Occidentis populos complexus, promovere nunquam destitisti. Admiramur magnificum illud, quod generi hominum in pejus quotidie ruenti Pastori boni spectaculum exhibes, ipsorum etiam veritatis inimicorum animos percellens, oculosque ad se vel invitos ipsa rerum præstantia et dignitate convertens.
Perge igitur Pastorum Pastoris vicaria potestate fungens, divini Tui muneris partes Deo confisus tueri; perge vitæ æternæ subsidiis pascere Tibi creditas oves; perge sanare contritiones Israel, et agnos Christi quærere qui perierant. Faxit Deus Omnipotens, ut, qui amoris Tui et officii sui immemores voci Tuæ adhuc resistunt, meliora secuti consilia ad Te tandem redeuntes, luctum Tuum in gaudium convertant. Tuarum pastoralium curaruoi fructus, divina benignitate adspirante, incrementum capiant in dies; felix animarum conversio, quam Deus Te administro quotidie operatur, magis magisque amplificetur; Tuque virtutum Tuarum vi et glorioso laborum successu animabus Christo lucrifactis, prolatisque regrii ejus finibus, cum Domino et Magistro vere exclamare possis, 'Omne, quod dat mihi Pater, ad me veniet.'
Hæc immo, Beatissime Pater, salutaris ac felicioris ævi indicia conspiciuntur. Testis amor ille, quern cunctarum nationum fideles ad quævis pro Te exantlanda parati commonstrant, dum vires corporis et animi atque adeo vitam ipsam pro Ecclesiæ juribus et Apostolicæ Sedis gloria adserenda impendere ac dicare gestiunt. Testis prona illa Catholicarum mentium reverentia, quæ te supremum Pastorein cupide intuetur, quæ Apostolicæ Cathedræ oracula lætanter excipit, iisque firmissirno adsensu et obsequio adhasrere gloriatur. Testis ilia filialis animi indoles, qua populus Christianus vestigia fidelium sequens, qui olim ad pedes Apostolorum facultates suas sponte deferebant, rerum Tuarum angustiis hucusque occurrit, et contineuter eas sublevare non desinit. Hæc filialis argumenta pietatis intimo pectore commoti cernimus, nunquam non operam daturi, ut sacer hie ignis in cordibus fidelium accensus foveatur et vigeat, utque turn nostro turn cleri totius exemplo ariimati omnes præclaram illam voluntatem ac liberalitatem provehant, Tibique ad æternam eorum salutem plenius procurandam temporalia adjumenta suppeditent.
Qui autem fidelium omnium erga Te pietate tantopere afficimur, Beatissime Pater, peculiaris gaudii fructum capimus ex ilia fide, ex illo amore et obsequio, quo digni æternæ Urbis cives Te Patrem, Te Principem indulgentissimum complectuntur. Felicem populum ac vera sapientem! qui novit quæ sibi amplitude et gloria ex Petri Sede in Urbe constituta proveniat, qui intelligit non alios terminos divinæ erga se benignitati definitos fore, quam quos ipse sibi in sua erga Christi Vicarium observantia et in Principem Sacratissimum amore constituerit. Hæc concupisce, hæc sequere, Romana gens; sit hæc constans, sit immota pietas; sit hæc Romana Urbs, quam Christianus Orbis cæterarum principem suamque lubens agnoscit, cæteris exemplo prælucens, sit cœlestibus gratiis donisque florens, virtutibus opibusque beata.
Id, Beatissime Pater, Tui Pontificatus splendor effecit, quo non Urbs solum Tua, sed universus orbis illustratur, cujusque admiratio ita nos movet, ut ex illo exemplum pro sacro nostro ministerio petendum esse existimemus.
At non minus Tua vox suaviter illabens pectoris ima pervadit, quam virtutum Tuarum pontificalium imago animos nostros percellit.
Summo igitur gaudio repletus est animus noster, dum e sacrato ore Tuo intelleximus, tot inter præsentis temporis discrimina eo Te esse consilio, ut maximum, prout aiebat inclitus Tuus prædecessor Paulus III, in maximis rei Christiana periculis remedium, Concilium œcumenicum convoces.
Annuat Deus huic Tuo proposito, cujus ipse Tibi mentem inspiravit; habeantque tandem ævi nostri homines, qui infirmi in fide, semper discentes et nunquam ad veritatis agnitionem pervenientes omni vento doctrinæ circumferuntur, in sacrosancta hac Synodo novam, præsentissimamque occasionem accedendi ad sanctam Ecclesiam, columnam ac firmamentum veritatis, cognoscendi salutiferam fidem, perniciosos rejiciendi errores; ac fiat, Deo propitio, et conciliatrice Deipara Immaculata, hæc Synodus grande opus unitatis, sanctificationis et pacis, unde novus in Ecclesiam splendor redundet, novus regni Dei triumphus consequatur.
Et hoc ipso Tuae providentiæ opere denuo exhibeantur mundo immensa beneficia, per Pontificatum Romanum humanæ societati asserta. Pateat cunctis, Ecclesiam, eo quod super solidissima Petra fundetur, tantum valere, ut errores depellat, mores corrigat, barbariem compescat, civilisque humanitatis mater dicatur et sit. Pateat mundo, quod divinæ auctoritatis et debitæ eidem obedientiæ manifestissimo specimine, in divina Pontificatus institutione dato, ea omnia stabilita et sacrata sint, quæ societatum fundamenta ac diuturnitatem solident.
Quod ubi perspexerint principes et populi, non permittent, ut augustissimum Tuum jus, omnis auctoritatis, omnium jurium certissima sanctio, impune conculcetur; imo ipsi curabunt, ut Tua Tibi constet et potestatis libertas et libertatis potestas; adsint subsidia ad sublime Tuum, illisque ipsis summe proficuum ministerium efficaciter exercendum; nec patientur, ut vox Tua a gregibus Ecclesiæ sanctæ addictis prohibeatur, ne pabulo æternarum veritatum privati misere contabescant, laxatisve apud eos obedientiæ et reverentiæ erga divinum in Te residens magisterium vinculis, illa quoque auctoritas, qua reges regnant et legum conditores justa decernunt, in certissimum status civilis detrimentum labefactetur.
Hæc est spes nostra, quam corde fovemus. Hoc continuum precum nostrarum est, semperque erit, argumentum.
Macte ergo animo, Beatissime Pater, perge navim Ecclesiæ inter medias procellas secura, ut suevisti, manu ad portum adducere. Mater divinæ gratiæ, quam Tu pulcherrimo honoris titulo salutasti, intercessionis suæ auxilio tutabitur semitam tuam. Erit Tibi in stellam maris, quam invicta, uti soles, fiducia suspiciens, non frustra diriges cursum ad Illum, qui per eam ad nos venire voluit. Faventes habebis cœlestes Sanctorum choros, quorum beatam gloriam magno studio continuisque apostolicis conatibus exquisitam mundo exsultanti turn diebus istis, tum antehac annunciasti. Assistent Tibi Principes Apostolorum Petrus et Paulus, precibus potentibus sollicitudinem Tuam secundantes. In puppi, quam Tu nunc occupas, Petrus olim sedebat; ipse apud Dominum intercedet, ut quæ navis ipsius suffragiis adjuta octodecim sæculis altum vitæ humanæ mare feliciter percurrit, Te duce, opimis immortalium animarum spoliis onusta, cœlestem portum plenis subeat velis. Quod ut fiat, nos curarum, precum et laborum Tuorum fideles devotosque socios habebis, qui divinam clementiam nunc quoque deprecamur, ut Tibi omni benedictione cœleste cumulato serventur augeanturque vires; ut novis in dies animarum lucris dives sit vita Tua, sit longæva in terris, sit olim in cœlis beata!
Marius Cardinalis Mattel, Episc. Ostien. et Veliternen., et S. Collegii Decanus.
Constantinus Card. Patrizi, Episc. Portuen. et S. Rufinæ.
Aloisius Card. Amat, Episc. Prænestin.
Ludovicus Card. Altieri, Episc. Albanen.
Nicolaus Cardin. Clarelli Paracciani, Episc. Tusculan.
Philippus Card. De Angelis, Archiep. Firman.
Engelbertus Card. Sterchx, Archiep. Meclinien.
Aloisius Card. Vannicelli Casoni, Archiep. Ferrarien.
Cosmas Cardin. Corsi, Archiep. Pisan.
Dominicus Card. Carafa de Traetto, Archiep. Beneventan.
Xistus Card. Riario Sforza, Archiep. Neapolitan.
Jacobus Maria Cardin. Mathieu, Archiep. Bisuntin.
Frauciscus Augustus Cardin. Donnet, Archiep. Burdigalen.
Carolus Aloisius Cardin. Morichini, Episc. Æsinus.
Joachim Cardin. Pecci, Episc. Perusin.
Antonius Benedictus Cardin. Antonucci, Episc. Anconitan.
Henricus Cardin. Orfei, Archiep. Ravennaten. et administrator Diœcesis Cæsanen.
Joseph. Maria Cardin. Milesi, Abbas Trium Fontium.
Michael Cardin. Garcia Cuesta, Archiep. Compostellan.
Joseph Aloisius Cardin. Trevisanato, Patr. Venetiarum.
Ludovicus Card. De La Lastra-y-Cuesta, Archiep. Hispalen.
Philippus Maria Cardin. Guidi, Archiep. Bononien.
Henricus Maria Cardin. de Bonnechose, Archiep. Rothomagen.
Paulus Cardin. Cullen, Archiep. Dublinen.
Rogerius Aloisius Antici Mattei, Patriarcha Constantinop.
Paulus Ballerini, Patriarcha Alexandrin.
Paulus Petrus Mashad, Patriarcha Antiochen. Maronitar.
Gregorius Joseff, Patr. Antiochen. Græc. rit. Melchitar.
Joseph Valerga, Patr. Hyerosolimitan.
Thomas Iglesias y Barcones, Patriarcha Indiar. Occiden.
Antonius Hassun, Primas Constantinop. Arm. rit.
Joannes Simor, Primas Regni Hungariæ, Archiep. Strigon.
Aloisius Maria Cardelli, Archiep. Acriden.
Laurentius Trioche, Archiep. Babilonen.
Meletius, Archiep. Dramaten. Græc. rit.
Petrus Apelian, Archiep. Marascen. Arm. rit.
Ignatius Kalybgian, Archiep. Amasien. Armen. rit.
Petrus Riccardus Kenrick, Archiep. S. Ludovici.
Petrus Cilento, Archiep. Rossanen.
Alexander Asinari de Sanmarzano, Archiep. Ephesin.
Alexander Angeloni, Archiep. Urbinaten.
Georgius Hurmuz, Archiep. Siunien. Arm. rit.
Aloisius Clementi, Archiep. Epis. Ariminen.
Felicissimus Salvini, Archiep. Camerinen.
Eduardus Hurmuz, Archiep. Siracen. Armen. rit.
Raphael d'Ambrosio, Archiep. Dyrechien.
Julius Arrigoni, Archiep. Lucanus.
Joseph. De Bianchi Dottula, Archiep. Tranen. Nazaren. et Barolen.
Eustachius Gonella, Archiep. Epis. Viterbien. et Tuscanien.
Joseph Rotundo, Archiep. Tarentin.
Gregorius De Luca, Archiep. Compsanus, Administrator Campanien.
Joannes Hagian, Archiep. Cesarien. Armen. rit.
Joannes Baptista Purcell, Archiep. Cincinnaten.
Renatus Franciscus Regnier, Archiep. Cameracen.
Maximilianus De Tarnoczv, Archiep. Salisburgen.
Benjaminus, Archiep. Neaupolit.
Ellas Mellus, Archiep. Acren. et Zhibaren. Caldæor.
Fridericus de Furstenberg, Archiep. Olomucen.
Paulus Brunoni, Archiep. Taronen.
Joseph Matar, Archiep. Maronita Aleppensis.
Philippus Cammarota, Archiep. Cajetan.
Franciscus Xaverius Apuzzo, Archiep. Surrentin.
Cajetanus Rossini, Archiep. Epis. Melphiten. Jovenacen.et Terlitien.
Petrus Villanova Castellacci, Archiep. Petr.
Vincentius Tizzani, Archiep. Nisiben.
Vincentius Spaccapietra, Archiepiscopus Smirnensis.
Marianus Ricciardi, Archiep. Reginen.
Carolus Pooten, Archiep. Antibaren. et Scodren.
Franciscus Emilius Cugini, Archiep. Mutinen.
Jacobus Bosagi, Archiep. Cæsarien. Armen. rit.
Raphael Ferrigno, Archiep. Brundusin.
Salvator Nobili Vitelleschi, Archiep. Episc. Auximan. et Cingulan.
Alexander Franchi, Archiep. Thessalonicen.
Petrus Bostani, Archiep. Tyren. et Sidonien. Maronit.
Patritius Leahy, Archiep. Casselien.
Josephus Hippolytus Guibert, Archiep. Turonen.
Marinus Marini, Archiep. Epis. Urbevetan.
Georgius Claudius Chalandon, Archiep. Aquen.
Gregorius Szymonowicz, Archiep. Leopolien. Armen. rit.
Joachim Limberti, Archiep. Florentin.
Antonius Salomone, Archiep. Salernitan.
Philippus Gallo, Archiep. Patrassen.
Petrus Giannelli, Archiep. Sardien.
Joseph S. Alemanny, Arcliiep. S. Francisci de California.
Franciscus Pedicini, Archiep. Baren.
Emanuel Garcia Gil, Archiep. Cæsaraugustan.
Arsenius Avak-Vartan-Angiarakian, Archiep. Tarsen. Armen. rit.
Julianus Florianus Desprez, Archiep. Tolosan.
Ignatius Akkani, Archiep. Hauranan. Græc. rit. Melchitar.
Franciscus Xaverius Wierzchleyski, Archiep. Leopolitan. rit. Lat.
Spiridion Maddalena, Archiep. Corcyren.
Gregorius Balitian, Archiep. Aleppen. Armen. rit.
Joannes Maria Odin, Archiep. Novæ Aureliæ.
Joannes Martinus Spalding, Archiep. Baltimoren.
Leo Korkoruni, Archiep. Melitenen. Arm. rit.
Carolus de la Tour d'Auvergne-Lauraguais, Archiep. Bithuricen.
Joannes Hagg, Archiep. Helipolitan. Maron.
Miecislaus Ledochowski, Archiep. Gnesnen. et Posnanien.
Walter Steins, Archiep. Epis. Bosrensis, Vicarius Apos. Calcut.
Primus Calvus Lopez, Archiep. S. Jacobi de Cuba.
Benvenutus Monzon y Martin, Archiep. Granaten.
Joseph Berardi, Archiep. Nicen.
Petrus Alexander Doimo Maupas, Archiep. Jadren.
Athanasius Raphael Ciarchi, Archiep. Babilonen. Syror.
Georgius Darboy, Archiep. Parisien.
Antonius de Lavastida, Archiep. Mexican.
Clemens Munguia, Archiep. Mecoacan.
Paulus Hatem, Archiep. Aleppen. Græc. rit. Melchitar.
Petrus Matah, Archiep. Jarizensis in Syria.
Ludovicus Anna Dubreuil, Archiep. Avenionen.
Joannes Ignatius Moreno, Archiep. Vallisolitan.
Martialis Guillelmus De Cosquer, Archiep. Portus Principis.
Laurentius Pergeretti, Archiep. Naxiensis.
Ludovicus Gonin, Archiep. Portus Hispaniæ.
Melchior Nasarian, Archiep. Marden. Armen. rit.
Darius Bucciarelli, Archiep. Scopien.
Franciscus Fleix-y Solans, Archiep. Tarraconen.
Ludovicus Haynald, Archiep. Colocen. et Bæsien.
Basilius Michael Gasparian, Archiep. Cypren. Armen. rit.
Joannes Paulus Franciscus Maria Lyonnet, Archiep. Albien.
Henricus Eduardus Manning, Archiep. Westmonasterien.
Joseph Sembratowicz, Archiep. Nazianz. Græc. rit.
Paulus Melchers, Archiep. Colonien.
Franciscus Xaverius de Merode, Archiep. Melitenen.
Antonius Rossi Vaccari, Archiep. Colossen.
Aloisius Ciurcia, Archiep. Irenopolitan.
Alexander Riecardi. Archiep. Taurinen.
Joseph Benedictus Dusmet, Archiep. Catanien.
Joseph Cardoni, Archiep. Edessen.
Joannes Baptista Landriot, Archiep. Rhemen.
Carolus Martialis Allemand Lavigerie, Archiep. Julia Caesarien.
Aloisius Puecher Passavalli, Archiep. Iconien.
Aloisius Nazarri di Calabiana, Archiep. Mediolanensis.
Joannes Petrus Losanna, Episc. Bugellen.
Ignatius Giustiniani, Episc. Chien.
Raphael Sanctes Casanelli, Episc. Adiacen.
Guillelmus Aretini Sillani, Episc. jam. Terracinen.
Modestus Contratto, Episc. Aquen.
Theodosius Kojumgi, Episc. Sidonien. Melchitar.
Joseph Maria Severa. Episc. Interamnen.
Fridericus Gabriel de Marguerye, Episc. Augustodunen.
Meletius Findi, Episc. Heliopolitan. Græc. rit. Melchitar.
Franciscus Victor Rivel, Episc. Divianen.
Julianus Meirieu, Episc, Dinien.
Ludovicus Besi, Episc. Canopen.
Antonius Ranza, Episc. Placentin.
Dionisius Gauthier, Episc. Emausen.
Georgius Antonius Stahl, Episc. Herbipolen.
Andreas Ræss, Episc. Argentinen.
Carolus Gigli, Episc. Tiburtin.
Franciscus Maria Vibert, Episc. Maurianen.
Joannes Fennelly, Episc. Castorien.
Stephanus Ludovicus Charbonneaux, Episc. Jassen.
Petrus Paulus Lefevre, Episc. Zetlhan. Adminis. Deroiten.
Joannes Hilarius Boset, Episc. Emeriten.
Fredericus Manfredini, Episc. Patavin.
Nicolaus Grispigni, Episc. Fulginaten.
Guillelmus Augebault, Episc. Andegaven.
Joseph Armandus Gignoux, Episc. Bellovacen.
Joannes Baptista Berteaud, Episc. Tutelen.
Eleonorus Aronne, Episc. Montisalti.
Cajetanus Carli, Episc. Almiren.
Joannes Franciscus Wheland, Episc. Aureliopolitanus.
Joannes Thomas Ghilardi, Episc. Montis Regalis.
Paulus Georgius Dupont des Loges, Episc. Meten.
Petrus Severini, Episc. Sappaten.
Petrus Joseph De Preux, Episc. Sedunen.
Joannes Donney, Episc. Montisalbani.
Carolus Fridericus Roussalet, Episc. Sagien.
Jacobus Bailies, Episc. jam Lucionen.
Joannes Williams, Episc. Bostonien.
Cajetanus Carletti, Episc. Reatin.
Joannes Brady, Episc. Perten.
Felix Cantimorri, Episc. Parmen.
Petrus Paulus Trucchi, Episc. Forolivien.
Stephanus Marilley, Episc. Lausanen. et Geneven.
Guillelmus Massaja, Episc. Cassien.
Guillelmus Bernardus Ullathorne, Episc. Birminghamien.
Alexius Canoz, Episc. Tamassen.
Henricus Rossi, Episc. Casertan.
Joannes Baptista Pellei, Episc. Aquæpenden.
Franciscus Mazzuoli, Episc. S. Severini.
Flavianus Abel Hugonin, Episc. Bajocen.
Philippus Mincione, Episc. Mileten.
Amadeus Rappe, Episc. Clevelanden.
Joannes Corti, Episc. Mantuanus.
Aloisius Ricci, Episc. Signin.
Jacobus Alipius Goold, Episc. Melbournen.
Eugenius Bruno Guiques, Episc. Outovien.
Guillelmus De Cany, Episc. Cargianen.
Paulus Dodmassei, Episc. Alexien.
Camillus Bisleti, Episc. Cornetan. et Centumcellar.
Thomas Mullock, Episc. S. Joannis Terræ Novæ.
Maria Julianus, Episc. Diniensis.
Franciscus Gandolfi, Episc. Antipatren.
Joannes Antonius Balma, Episc. Ptolemaid.
Aloisius Kobes, Episc. Methonen.
Laurentius Guillelmus Renaldi, Episc. Pinerolien.
Joannes Maria Foulchier, Episc. Mimaten.
Rudesindus, Episc. Portus Victoriæ in Australia.
Antonius Boscarini, Episc. S. Angeli in Vado et Urbanien.
Januarius Acciardi, Episc. Anglonen. et Tursien.
Antonius De Stefano, Episc. Benden.
Guillelmus Keane, Episc. Cloynensis.
Antonius Felix Philibertus Dupanloup, Episc. Aurelianen.
Ludovicus Franciscus Pie, Episc. Pictavien.
Livius Parlatore, Episc. S. Marci.
Ignatius Maria Silletti, Episc. Melphien et Rapollen.
Petrus Simon Dreux Brézé, Epis. Moulinen.
Joannes Ranolder, Episc. Vesprimien.
Franciscus Petagna, Episc. Castri Maris.
Petrus Cirillus d'Urix y da Labairu, Episc. Bosnian, et Sirmien.
Raphael Bachettoni, Episc. Compsan.
Georgius Strossmayer, Episc. Pampilouen. et Tudelen.
Georgius De Luca, Episc. Nursin.
Alexander Tachè, Episc. S. Bonifacii.
Joannes Mac-Gill, Episc. Richmondien.
Hieronymus Verzeri, Episc. Brixien.
Petrus Lacarrière, Episc. jam Bassæ Terræ.
Ludovicus Theophilus Pallu du Pare, Episc. Blesen.
Philippus Fratellini, Episc. Forosempronien.
Aloisius Margarita, Episc. Oritan.
Joseph Arachial, Episc. Ancyran. Armen. rit.
Thomas Grant, Episc. Southwarcen.
Vincentius Bisceglia, Episc. Termular.
Mathias Augustinus Mengacci, Episc. Civitatis Castellan. Hortan. et Gallesin.
Joannes Petrus Mabile, Episc. Versalien,
Cajetanus Brinciotti, Episc. Balneoregien.
Colinus Mac Kinnon, Episc. Arichateft.
Bernardus Pinol, Episc. de Nicaragua.
Ludovicus Eugenius Regnault, Episc. Carnuten,
Joannes Jacobus Guerrin, Episc. Lingonen.
Aloisius Sordo, Episc. Thelesin. seu Cerreten.
Bartholomæus B'Avanzo, Episc. Calven. et Theanen.
Joannes Joseph Longobardi, Episc. Andrien.
Joannes Petrus Bravard, Episc. Constantien.
Theodorus de Montpellier, Episc. Leodien.
Antonius La Scala, Episc. S. Severi.
Jesualdus Vitali, Episc. Ferentin.
Carolus Maria Dubuis, Episc. Galvestonien.
Jacobus Stepischnegg, Episc. Lavantin.
Aloisius Filippi, Episc. Aquilan.
Jacobus Ginoulhial, Episc. Gratianopolitan.
Joseph Chaixal-y-Estrade, Episc. Urgellen.
Franciscus Joseph Rudiger, Episc. Lincien.
Joannes Loughlin, Episc. Brooklynien.
Thaddeus Amat, Episc. Monteregen.
Jacobus Roosevel Bayley, Episc. Nevarcen.
Ludovicus Goesbriand, Episc. Burlingtonen.
Emigdius Forchini, Episc. Civitatis Plebis.
Vincentius Materozzi, Episc. Ruben, et Bituntin.
Petrus Aloisius Speranza, Episc. Bergomen.
Thomas Michael Salzano, Episc. Tanen.
Felix Romano, Episc. Isclan.
Aloisius Landi Vittori, Episc. Assisien.
Vincentius Zubranich, Episc. Ragusin.
Benedictus Riccabona, Episc. Tridentin.
Ludovicus Forwerk, Episc. Leontopolitan.
Franciscus Antonius Maiorsini, Episcop. Lacedonien.
Thomas Michael Salzano, Episc. Tanen.
Innocentius Sannibale, Episc. Eugubin.
Nicolaus Renatus Sergent, Episc. Corosopiten.
Joannes Rosati, Episc. Tudertin.
Dominicus Zelo, Episc. Aversan.
Caietanus Rodilossi, Episc. Alatrin.
Franciscus Gallo, Episc. Abellinen.
Petrus Rota, Episc. Guastallen.
Joannes Joseph Vitezich, Episc. Veglien.
Franciscus Gianpaolo, Episc. Larinen.
Franciscus Roullet de La Bouillerie, Episc. Carcassonen.
Franciscus Paulus, Episcop. S. Agatæ Gothorum.
Alexius Joseph Wicart, Episc. Vallis Vidonis.
Guillelmus Vaughan, Episc. Plymouth.
Nicolaus Pace, Episcop. Amerin.
Joannes Benini, Episc. Piscien.
Joseph Del Prete, Episc. Thyateren.
Joseph Formisano, Episc. Nolan.
Claudius Henricus Plantier, Episc. Nemausen.
Ludovicus Augustus Delalle, Episc. Ruthenen.
Vincentius Moretti, Episc. Imolen.
Antonius Joseph Jordany, Episc. Forojulien. et Tolonen.
Joannes Renier, Episcop. Feltr. et Bellunensis.
Patritius Moran, Episc. Dardanen.
Laurentius Gillooly, Episcop. Elphinensis.
Guillelmus Emmanuel, Episcop. Moguntinus.
Joannes Farrell, Episc. Hamiltonen.
Elias Ant. Alberani, Episc. Ascul. in Piceno.
Joannes Ghiureghian, Episc. Trapezuntin. Arm. rit.
Adrianus Languillat, Episc. Sergiopolitan.
Stephanus Semeria, Episc. Olympen.
Jacobus Bernardi, Episc. Massan.
Thomas Passero, Episc. Trojan.
Claudius Jacobus Boudinet, Episc. Ambianen.
Corradus Martin, Episc. Paterbonen.
Joseph Emanuel Arroyo, Episc. De Guayana.
Joseph Romero, Episc. Dibonen.
Vincentius Cina, Episc. Adramiten.
Enricus, Episc. Casertanus.
Dalmatius Di Andrea, Episc. Boven.
Vincentius Casser, Episc. Brixinen.
Philippus Vespasiani, Episc. Fanen.
Clemens Fares, Episc. Porphyrien.
Franciscus Marinelli, Episc. Porphyrien.
Henricus Juncker, Episc. Altonen.
Joannes Mac-Evilly, Episc. Galvien.
Guillelmus Clifford, Episc. Cliftonien.
Petrus Gérault De Langalerie, Episc. Bellicen.
Petrus Maria Ferrè, Episc. Casalen.
Ludovicus Delcusy, Episc. Vivarien.
Petrus Buffetti, Episc. Brictinorien.
Joseph Stephanus Godelle, Episc. Thermopylen.
Jacobus Fridericus Wood, Episc. Philadelphien.
Joannes Baptista Scandella, Episc. Antinoen.
Joseph Targioni, Episc. Volaterran.
Aloisius Maria Paoletti, Episc. Montis Politiani.
Joseph De Los Rios, Episc. Lucen.
Michael O'Hea, Episc. Rossanen.
Patritius Lynch, Episc. Carolopolitan.
Joseph Maria Papardo, Episc. Sinopen.
Vitalis Justinus Grandin, Episc. Satalen.
Guillelmus Henricus Elder, Epis. Natchezensis.
Clemens Pagliari, Episc. Anagnin.
Fortunatus Maurizi, Episc. Verulan.
Petrus Sola, Episc. Nicien.
Ferdinandus Blanco, Episc. Abulen.
Paulus Benignus Carrion, Epis. De Porto Rico.
Jacobus Jeancard, Episc. Ceramen.
Carolus Joannes Fillion, Episc. Cenomanen.
Joannes Sebastianus Devoucoux, Episc. Ebroicen.
Ignatius Senestrey, Epise. Ratisbonen.
Riccardus Roskell, Episc. Nottinghamen.
Paschalis Vuicic, Episc. Antiphellen.
Ludovicus Idèo, Episc. Liparen.
Michael Payà y Rico, Episc. Conchen.
Jacobus Etheridge, Episc. Toronen.
Petrus Cubero y Lopez de Padilla, Episc. Oriolen.
Dominicus Fanelli, Episc. Dianen.
Joachim Lluch, Epis. Canarien. et S. Christophori in Laguna.
Ignatius Papardo, Episc. Miden.
Joannes Antonius Augustus, Episc. Apamien.
Petrus Tilkian, Episc. Brussen. Arm. rit.
Antonius Maria Valenziani, Episc. Fabrianen. et Mathelicen.
Hyacinthus Luzi, Episc. Narnien.
Thomas Grace, Episc. S. Pauli de Minesota.
Antonius Halagi, Episc. Artuinen. Arm. rit.
Joseph Teta, Episc. Oppiden.
Joannes Baptista Siciliani, Episc. Caputaquen. et Vallen.
Franciscus Xaverius D'Ambrosio, Episc. Muran.
Michael Milella, Episc. Aprutin.
Rodesindus Salvado, Episc. Victorien.
Simon Spilotros, Episc. Tricaricen.
Felix Petrus Fruchaud, Episc. Limovicen.
Aloisius Maria Epivent, Episc. Aturen.
Joseph Lopez-Crespo, Episc. Santanderien.
Vincentius Arbelaes, Episc. Maximopolitanus.
Joannes Quinlan, Episc. Mobilien.
Petrus Joseph Tordoya, Episc. Tiberiopolitan.
Joannes Monetti, Epise. Cervien.
Alexander Paulus Spoglia, Episc. Comaclen.
Aloisius Mariotti, Episc. Feretran.
Valerius Laspro, Episc. Gallipolitan.
Aloisius Lembo, Episc. Cotronen.
Jacobus Rogers, Episc. Chatamen.
Patritius Dorrian, Epise. Danen. et Connoren.
Andreas Ignatius Schaepman, Episc. Esbonen.
Alexander Bonnaz, Episc. Csanadiensis.
Sebastianus Dias Larangeira, Episc. S. Petri Flum. Granden.
Michael Domenec, Episc. Pittsburgen.
Aloisius Antonius Dos Santos, Episc. Fortalexien.
Antonius de Macedo Costa, Episc. Belem de Para.
Walterus Steins, Episc. Nilopolitan.
Claudius Maria Magnin, Episc. Annecien.
Julius Ravinet, Episc. Trecen.
Antonius de Trinitate de Vasconcellos Pereira de Mello, Episc. Lamacen.
Jacobus Donnelly, Episc. Clogherien.
Gerardus Petrus Wilmer, Episc. Herlemen.
Georgius Buttler, Epis. Limericen.
Carolus Theodorus Colet, Episc. Luçonen.
Eustachius Zanoli, Episc. Eleutheropolitan.
Fridericus Maria Zinelli, Episc. Tarvisin.
Aloisius De Canossa, Episc. Veronen.
Robertus Cornthwaite, Episc. Beverlacen.
Benedictus Vilamitiana, Episc. Derthusen.
Petrus Maria Lagüera y Menezo, Episc. Oxamen.
Callistus Castrillo y Ornedo, Episc. Legionen.
Silvester Horton Rosecrans, Episc. Pompejopolitan.
Victor Felix Bernardon, Episc. Vapincen.
Augustinus David, Episc. Briocen.
Ludovicus Nogret, Episc. S. Claudii.
Antonius Boutonnet, Episc. Guadalupen.
Pantaleo Monserrat y Navarro, Episc. Barcinonen.
Joseph Fessler, Episc. S. Hippolyti.
Marianus Puigllat-y-Amigo, Episc. Illerden.
Constantinus Bonet, Episc. Gerunden.
Joannes de França Castro e Moura, Episc. Portugallien.
Joannes Gray, Episc. Hypsopolitan.
Bernardinus Trionfetti, Episc. Terracinen. Privernen. et Setin.
Franciscus Gainza, Episc. De Caceres.
Antonius Alves Martius, Episc. Visen.
Joseph Papp-Szilagyi de Illesfalva, Episc. Magno Varadinen. Graec. Rum.
Gioannichius, Episc. Palmiren. Greco-Cath.
Joannes Petrus, Episc. Costantien.
Joannes Jacovacci, Episc. Erythrensis.
Joannes Baptista Greith, Episc. S. Galli.
Nicolaus Conaty, Episc. Kilmoren.
Nicolaus Adames, Episc. Halicarnassen.
Fidelis Abbati, Episc. Sanctorinen.
Joannes Baptista Gazailhan, Episc. jam Veneten.
Antonius Monastyrski, Episc. Premislien.
Joannes Zaffron, Episc. Sebenicen.
Joseph Nicolaus Dabert, Episc. Petrocoricen.
Petrus Marcus Le Breton, Episc. Anicien.
Joannes Claudius Lachat, Episcopus Basileen.
Joseph Pluym, Episc. Nicopolitan.
Felix Maria Arriete, Episc. Gatitan, et Septen.
Franciscus Audreoli, Episc. Callien et Pergulan.
Paulus Micaleff, Episcopus Civitatis Castelli.
Antonius Maria Pettinari, Episc. Nucerin.
Joannes Petrus Dours, Episcopus Suessionen.
Gregorius Lopez, Episc. Placentin. Compostellen.
Joseph Aloisius Montagut, Episc. Ovoten.
Joachim Hernandez y Herrero, Episc. Segobricen.
Paulus Beriscia, Episc. Pulaten.
Joannes Strain, Episc. Abilen.
Edmundus Franciscus Guierry, Episc. Danaben.
Hyacinthus Vera, Episc. Megaren.
Caspar Mermillod, Episc. Hebronen.
Angelus Kraljevic, Episc. Metellopolitan.
Agapitus Dumani, Episc. Ptolemaiden. Graec. rit. Melchitar.
Thomas Nulty, Episcopus Midensis.
Joseph Salandari, Episc. Marcopolitan.
Franciscus Nicolaus Gueullette, Episc. Valentinen.
Guillelmus Renatus Meignan, Episc. Catalaunen.
Stephanus Ramadié, Episc. Elnen.
Raimundus Garcia y Anton, Episc. Tuden.
Hyacinthus Maria Martinez, Episc. S. Christophori de Havana.
Henricus Franciscus Bracq, Epis. Gandaven.
Nicolaus Power, Episc. Sareptan.
Laurentius Bonaventura Shiel, Epis. Adelaidopolitan.
Aloisius Riccio, Episc. Cajacien.
Ferdinandus Ramirez y Vazquez, Episc. Pacen.
Victor Augustus Dechamps, Episc. Namurcen.
Joannes Joseph Conroj, Episc. Albanen. in America.
Joannes Marango, Episc. Thinen et Miconen.
Raphael Popow, Episc. Bulgaror.
Nicolaus Frangipani, Episc. Concordien. electus.
Joseph Romeo, Episc. Dibonen.
Joannes Lozano, Episc. Palentin.
Antonius Jorda y Soler, Episc. Vicen.
Agabius Biscia, Episc. Cariopolitan.
Stephanus Melchisedechian, Episc. Erzerumien. Armen. rit.
Carolus Philippus Place, Episc. Marsilien.
Joannes Baptista Lequette, Episc. Atrebaten.
Petrus Alfredus Grimardias, Episc. Cadurcen.
Joannes Maria BeceL Episc. Veneten.
Georgius Dubocowich, Episc. Pharen.
Jacobus Lynch, Episc. Arcadiopolitan.
Joseph De la Cuesta y Maroto, Episc. Aurien.
Jacobus Chadwick, Episc. Hagulstadeus. et Novo Castrens.
Angelas Di Pietro, Episc. Nyssen.
Joseph Aggarbati, Episc. Senogallien.
Joseph Bovieri, Episc. Montis Falisci.
Julius Lenti, Episc. Sutrin, et Nepesin.
Thomas Gallucci, Episc. Recineten. et Lauretan.
Joannes Baptista Cerruti, Episc. Savonen. et Naulen.
Salvator Angelus Dernartis, Episc. Galtellen. Noren.
Philippus Manetti, Episc. Tripolitan.
Conceptus Focaccetti, Episc. Lystren.
Anselmus Fauli, Episc. Grossetan.
Joseph Rosati, Episc. Lunen.-Sarzanen.
Josephus Giusti, Episc. Aretinus.
Carolus Macchi, Episc. Regien.
Joannes Zalka, Episc. Jaurinensis.
Cajetanus Franceschini, Episc. Maceraten. et Tolentin.
Antonius Fania, Episc. Marsicen. et Potentien.
Andreas Formica, Episc. Cuneen.
Carolus Savio, Episc. Asten.
Laurentius Gastaldi, Episc. Salutiar.
Eugenius Galletti, Episc. Alba Pampejen.
Antonius Colli, Episc. Alexandrin. Pedemontan.
Augustinus Hacquard, Episc. Verdunen.
Joseph Alphredus Faulon, Episc. Nanceyen. et Tullen.
Henricus Bindi, Episc. Pistorien.
Antonius Grech Delicata Testaferrata, Episc. Calydonien. electus.
Franciscus Zunnui, Episc. Exellen. et Terralben.
Petrus Georgius Di Natale, Episc. Amiden. Chaldaeor.
Leo, Episc. Rupellensis et Santonensis.
Franciscus Gros, Episc. Tarantasiensis.
Joannes Chrysostomus Kruesz, Archiabbas O. S. B. S. Martini.
Guillelmus de Cesere, Abbas Montis Virginis.