Robin Adair (1818)/Highland Mary
Highland Mary.
Ye banks and braes, and streams around
The castle of Montgomery,
Green be your woods, and fair your flowers,
{[em}}Your waters never drumlie.
There summer first unfaulds her robes,
And there they langest tarry,
For there I took the last farewell
Of my dear Highland Mary.
How sweetly bloom'd the gay green birk,
How rich the hawthorn's blossom;
As underneath the fragrant shade
I clasp'd her to my bosom.
The golden hours, on angel wings,
Flew o'er me and my dearie;
For dear to me as light and life,
Was my dear Highland Mary.
Wi‘mony a vow and lock'd embrace,
Our parting was fu' tender;
And pledging aft to meet again,
We tore ourselves asunder.
But oh, fell death's untimely frost,
That nipt my flower so early;
Now green's the sod, and cauld's the clay
That wraps my Highland Mary.
O pale, pale now, those rosy lips,
I aft hae kiss'd sae fondly;
And clos'd for ay the sparkling glance
That dwalt on me sae kindly.
And mouldering now in silent dust,
That heart that lo'ed me dearly;
But still within my bosom's core,
Shall live my Highland Mary.
FINIS.