Robin Adair (1818)/O let me in this ae night
O let me in this ae night.
O, lassie, art thou sleeping yet,
Or art thou wakin‘ I would wit;
For love has bound me hand and foot,
And I would fain be in, jo.
O let me in this ae night,
This ae, ae ae, night,
For pity‘s sake, this ae night,
O wad ye let me in jo.
Out o’er the moss, out o’er the muir,
I came this dark and dreary hour:
And here l stand without the door,
Amid the pouring storm, jo.
O let me, &e.
Thou hear’st the winter wind and weet,
Nae star blinks through the driving sleet,
Tak pity on my weary feet,
And shield me frae the rain, jo.
O let me, &c.
The bitter blast that round me blaws,
Unheeded howls, unheeded fa's:
The cauldness o’ thy heart’s the cause
Of as my grief and pain, jo.
O let me, &c.
O tell na me of wind and rain,
Upbraid na me wi' cauld disdain,
Gae back the gate ye.came again,
I winna let you in, jo.
O' let me, &c.