The Merry Muses of Caledonia/Our Jock's Brack Yestreen
Jump to navigation
Jump to search
OUR JOCK'S BRACK YESTREEN.
Tune—"Gramachree."
An old song.
Twa neighbour wives sat in the sun,
A twining at their rocks,
And they an argument began,
And a' the plea was cocks.
'Twas whether they were sinews strong,
Or whether they were bane,
And how they rowed about your thumb,
And how they stood their lane.
First Rachel gied her rock a tug,
And syne she claw'd her tail,
"When our Tam draws on his breeks,
It waggles like a flail."
Says Bess, "They're bane, I will maintain,
And proof in point I'll gie,
For our Jock's cock it brak yestreen,
And I found it on my thigh."
