The Works of the Rev. Jonathan Swift/Volume 18/Epitaph on the Earl of Berkeley
EPITAPH,
INSCRIBED ON A MARBLE TABLET, IN BERKELEY CHURCH, GLOUCESTERSHIRE.
H. S. E.
Carolus Comes de Berkeley, Vicecomes Dursley,
Baro Berkeley, de Berkeley Cast., Mowbray, Segrave,
Et Bruce, è nobilissimo Ordine Balnei Eques,
Vir ad genus quod spectat et proavos usquequaque nobilis,
Et longo si quis alius procerum stemmate editus;
Muniis etiam tam illustri stirpi dignis insignitus.
Siquidem a Gulielmo III° ad ordines fœderati Belgii
Ablegatus et Plenipotentiarus Extraordinarius
Rebus, non Britanniæ tantùm, sed totius fere Europæ
(Tunc temporis præsertim arduis) per annos V. incubuit,
Quam felici diligentiâ, fide quam intemeratâ,
Ex illo discas, Lector, quod, superstite patre,
In magnatum ordinem adscisci meruerit.
Fuit à sanctioribus consiliis et Regi Guliel. et Annæ Reginæ,
E proregibus Hiberniæ secundus,
Comitatum civitatumque Glocest. et Brist. Dominus Locumtenens,
Surriæ et Glocest. Custos Rot., Urbis Glocest. magnus
Senescallus, Arcis sancti de Briavell Castellanus,
Guardianus Forestæ de Dean.
Denique ad Turcaruin primum, deinde ad Roman. Imperatorem
Cum Legatus Extraordinarius designatus esset,
Quo minus has etiam ornaret provincias
Obstitit adversa corporis valetudo.
Sed restat adhuc, præ quo sordescunt cætera,
Honos verus, stabilis, et vel morti cedere nescius,
Quòd veritatem evangelicam seriò amplexus;
Erga Deum pius, erga pauperes munificus,
Adversùs omnes æquus et benevolus,
In Christo jam placidè obdormit
Cum eodem olim regnaturus unà.
Natus VIII° April. mdcxlix. denatus
xxiv° Septem. mdccx. ætat. suæ lxii.