The fables of Aesop by William Caxton (Jacobs)/Vol. II/Auian/Fable 26

From Wikisource
Jump to navigation Jump to search
3930071The fables of Aesop by William Caxton (Jacobs), The Fables of Avian — Fable 26: The Wynd and the therthen PotAvianus

¶ The xxvj Fable is of the wynd and of therthen pot

He that ouer moche enhaunceth hym self / sooner than he wold / he falleth doune / as hit appereth by this fable / Of an erthen pot maker whiche made a grete pot of erthe / the whiche he dyd sette in the sonne / by cause that more surely hit shold haue ben dryed / Ageynste the whiche came and blewe a grete wynd / And whanne the wynd sawe the potte he demaunded of hym / who arte thow / And the pot ansuerd to hym / I am a potte the best made that men can fynde / & none may lette ne empeche me / And how sayd the wynde / thow art yet al loste / and hast neyther vertue ne none force / and by cause I knowe wel thy ouer pryde / I shall breke the / and putte the in to pyeces / to thende / that thow of thy grete pryde mayst haue knowlege / And therfore the feble ought to meke and humble hym self and obeye to his lord / and not to enhaūce[errata 1] hym more than he ought / to thende / he falleth not from hyhe to lowe


  1. Original: enhauce was amended to enhaūce: detail