The fables of Aesop by William Caxton (Jacobs)/Vol. II/Liber Secundus/Fable 20
¶ The xx fable maketh mencion of the Oxe / and of the frogge / whiche wold haue compared her to hym
He poure ought not to compare hym self to hym which is ryche and myghty / As sayth this fable of a frogge / whiche was in a medowe / when she aspyed and sawe an oxe whiche pastured / She wold make her self as grete and as myghty as the oxe / and by her grete pryde sie beganne to swelle ageynste the oxe / And denaunded of his children yf she was not as grete as the oxe and as myghty / And theyr children ansuerd and sayd nay moder / For to loke and behold on the oxe / it semeth of yow to be nothynge / And thenne the frogge beganne more to swelle / ¶ And when the oxe sawe her pryde / he thradde and thrested her with his fote / and brake her bely / Therfore hit is not good to the poure to compare hym self to the ryche / Wherfore men sayn comynly / Swelle not thy self / to thende that thow breste not
¶ Here fynysshed the second booke of Esope /