The fables of Aesop by William Caxton (Jacobs)/Vol. II/Other Aesop's/Fable 17
¶ The xvij fable is of the labourer and of his children
e that laboureth and werketh contynuelly
maye not faylle to haue
plente of goodes / as it appiereth
by this present table / Of a good
man labourer / whiche all his lyf
had laboured and wrought / and was ryche /
and whan he shold deye / he sayd to his children
/ My children I muste now deye / and
my tresour I haue lefte in my vyne / And
after that the good man was dede / his children
whiche supposed that his tresour had ben in the
vyne / dyd nothyng al day but delued hit / &
it bare more fruyte then hyt dyd[errata 1] before / ¶ For
who trauaylleth wel / he hath euer brede ynough
for to ete / And he that werketh not dyeth for
hongrer.
¶ Here fynysshen the Fables of Esope
¶ And after foloweth the
fables of Auyan