Page:Gospel of Saint Matthew in West-Saxon.djvu/62

gedōne manega hys mægena, for þām þe hī ne dydon dǣdbōte.^[1]

21. Wā þē, Corozaim! wā þē, Bethsaida! for þām gyf on Tyro and Sydone wǣrun gedōne þā mægnu þe gedōne synt on ēow, gefyrn hī dydun dǣdbōte on hǣran and on axan.^[2]

22. Đēah ic secge inc, Tyro and Sydone byþ forgifenlīcor on dōmes dæg þonne ēow.^[3]

23. And þū Capharnaum, cwyst þū byst þū ūp āhafen oþ heofen? ac þū nyþer færst oþ helle; for þām gyf on Sodomum wǣron gedōne þā mægnu þe gedōne synt on þē, witodlīce hī wunedun oþ þysne dæg.^[4]

24. Đēah hwæþere ic secge ēow þæt Sodumwara lande byð forgyfenlīcre on dōmes dæg þonne þē.^[5]

Đys [godspel] sceal on wōdnesdæg on þǣre syxtan wucan ofer pentecosten.

25. Sē Hǣlynd cwæð andswariende, Ic andytte þē, Drihten heofenes and eorþan, þū þe behȳddyst þās þing fram wīsun and glēawun, and onwruge þā lȳtlingun;^[6]

1. A, mægnu, B, mægenu; B, dydun.
2. A, wæron; A, mægenu; A, synd; A, dydon; A, acsan.
3. A, Đeh; Corp., B, forgyfendlicur, A, forgifenlicor; B, domys.
4. B, heofon; A, sodom, B, sodoma lande (-doma lande on an erasure); B, mægenu; A, synd; A, wunedon.
5. A, sodomwara; B, domys.
6. A, hælend; A, andswarigende; A, andette; B, heofunys; A, behyddest; A, wisum and gleawum; A, onwrige; A, lytlingum.