Page:Gospel of Saint Matthew in West-Saxon.djvu/81

20. And hī ǣton ealle and wǣron gefyllede; and hī nāmon þā lāfa, twelf wylian fulle þǣra gebrytsena.^[1]

21. Sōþlīce þǣra etendra getæl wæs fīf þūsenda wera, būtan wīfum and cildum.^[2]

Đys godspel sceal in octabas Petri et Pauli.

22. And þā sōna hēt sē Hǣlend his leorningcnihtas on scyp āstīgan, and tōforan him faran ofer þone mūþan, oð þæt hē þā menegu forlēte.^[3]

23. And þā hē hig forlǣten hæfde, hē ēode on þone munt, and hyne þǣr āna gebæd; sōþlīce þā hyt ǣfen wæs, hē wæs āna þǣr.^[4]

24. Witodlīce wæs þæt scyp of þām ȳþum tōtorfod; for þām þe hyt wæs strang wind.^[5]

25. Þā cōm sē Hǣlend embe þone fēorþan hancrēd tō him, ofer þā sǣ gangende.^[6]

26. Đā hī gesāwon þæt, hī wurdon þā gedrēfede, and for þām ege clypodon and cwǣdon þus, Sōþlīce hyt ys scīnlāc.^[7]

27. Đā spræc sē Hǣlend and cwæþ, Habbaþ gelēafan; ic hyt eom; nellen gē ēow ondrǣdan.^[8]

28. Đā andswarode him Petrus and cwæð, Drih-^[9]

1. A, B, brytsena.
2. A, þusend.
3. B, leorningc-; A, mænigu, B, mænegu.
4. A, þar (second time).
5. A, totorfud.
6. A, ymbe; A, ofer þone sæ.
7. A, wurdon gedrefede (om. þa); A, clypedon; A, þus cwædon (changed order).
8. A, nellon.
9. A, Petrus hym (changed order).