Page:Leechdoms wortcunning and starcraft of early England volume 3.djvu/54

gende ongean streame healfne sester yrnendes wæteres, nim þonne & lege ða wyrta ealle in þæt wæter & þweah þæt gewrit of ðan husldisce þærin swiðe clæne, geot þonne þæt gehalgade win ufon on ðæt oþer. Ber þonne to ciricean, læt singan mæssan ofer, ane fol. 138 a.omnibus sanctis oðre Contra tribulatione, þriddan sanctam marian, sing ðas gebedsealmas, Miserere mei deus, Deus in nomine tuo, Deus misereatur nobis, Domine deus, Inclina domine, & credo, & Gloria in excelsis deo, & letanias, Pater noster, & bletsa georne in ælmihtiges drihtnes naman & cweð, in nomine patris et filii et spiritus sancti sit benedictum, bruc syþþan.

Wen.To wensealfe, Nim elenan & rædic, cyrfillan & hræmnes fot, ængliscne næp & finul & saluian & suþernewuda & cnuca tosomne, & nim fol. 138 b.garleaces godne dæl, cnuca, & wring, þurh clað on gemered hunig, þonne hit swiðe gesoden sy, þonne do ðu pipor & sidewaran, gallengar & gingifre & rinde & lawerbergean & pyretran, godne dæl ælces be ðære mæðe, & syððan hit swa gemænged þara wyrta wos & þæt hunig, þonne seoð ðu hit twa swa swiðe swa hit ær wæs, þonne hæfs þu gode sealfe wið wennas & wið nyrwet. To godre bansealfe þe mæg wið heafodece & wið ealra lyma tyddernysse, sceal rude, fol. 139 a.rædic & ampre, uane, feuerfuge, æscðrote, eoforðrote, cilðenige, bete & betonican, ribbe & reade hofe, elene, alexandrian moran, clufðung & clate, liðwyrt & lambes cerse, hylwyrt, hæsel, cwice, wudurofe & wrættes cið, springwyrt, sperewyrt, wegbræde & wermod, ealhtran & hæferðan, hegeclife & hymelan, gearwan & geaces suran, belenan & bradeleac, nim ealra ðyssa wyrta efenfela, do on mortere, cnuca eall tosomne & do ðærto ifig

---