Page:Merry Muses of Caledonia.djvu/116

From Wikisource
Jump to navigation Jump to search
This page has been validated.

( 110 )


Tune"O the broom."

An old song.

There was a lass, and a bonie lass,
A gath'ring nits did gang;
She pu'd them heigh, she pu'd them laigh,
She pu'd them whare they hang.
Till tir'd at length, she laid her down,
An' sleept the wood amang;
When by there cam three lusty lads,
Three lusty lads an' strang.
The first did kiss her rosy lips,
He thought it was nae wrang;
The second lous'd her bodice fair,
Fac'd up wi' London whang.
An' what the third did to the lass,
Is no' put in this sang;
But the lassie wauken'd in a fright,
An' says, I hae sleepit lang.


Tune"Push about the jorum."

An old fragment.

Waes me that e'er I made your bed!
Waes me that e'er I saw ye!
For now I've lost my maidenhead,
An' I ken na how they ca' ye.

My name's weel kend in my ain countrie,
They ca' me the linkin' laddie;
An' ye had na been as willing as I,
Shame fa' them wad e'er hae bade ye.