¶ The v fable is of the frogge and of the Foxe
One ought to auaunce hym ſelf to
doo that whiche he he[errata 1] can not
doo / As hit appiereth of a frogge /
whiche ſomtyme yſſued or came
oute of a dyche / the whiche
preſumed to haue lepte vpon a hyghe montayne
/ And whanne ſhe was vpon the mountayne
/ ſhe ſayd to other beeſtes / I am a mayſtreſſe in medecyn / and canne gyue remedy to
al manere of ſekenes by myn arte / and ſubtylyte /
and ſhalle rendre and brynge yow vp ageyne in
good helthe / wherof ſome byleued her / And
thenne the Foxe whiche perceyued the folyſſhe
byleue of the beeſles / beganne to lawhe / and
ſayd to them / poure beeſtes / how may this
fowle and venemous beeſt whiche is ſeke and
pale of colour render and gyue to yow helthe /
For the leche whiche wylle hele ſomme other /
ought fyrſte to hele hym ſelf / For many one
counterſayteth the leche / whiche can not a
word of the ſcyence of medecyne / from the
whiche god preſerue and kepe vs
