theſe two dogges come nerer / And ſayinge theſe wordes toke his waye / & ranne as faſt as he myght / And thenne the cock demaunded and cryed after hym / godſep / why renneſt thow thus / yf the ſayd pacte is accorded / thow oughteſt not to doubte no thynge Ha a godſep ſayd the Foxe from ferre / I doubte that theſe two dogges haue not herd the decreet of the pees / And thus whanne a begyler is begyled / he receyued the ſallary or payement / whiche he ought to haue / wherfore lete euery man kepe hym ſelf ther fro
Ogius reherceth that there were two
wymmen in Rome / whiche he
knewe of dyerſe age and forme /
which came to a Curteyzan by
cauſe to haue and wynne ſomwhat
wyth theyr bodyes / whome he receyued and
happed that he knewe the fayreſt of bothe twyes /
and that other ones / and ſoo departed / And
afterward whanne they ſhold departe / he gaf to
them a pyece of lynen clothe / not decernynge
how moche eche of them ſhold haue to her
parte and porcion / And in the partynge of the
ſayd clothe fylle bitwene the wymmen a ſtryf by