The English and Scottish Popular Ballads/Part 4/Chapter 86

From Wikisource
Jump to navigation Jump to search


OF a' the maids o fair Scotland
The fairest was Marjorie,
And young Benjie was her ae true-love,
And a dear true-love was he.
And wow! but they were lovers dear,
And loved fu constantlie;
But ay the mair, when they fell out,
The sairer was their plea.
And they hae quarrelled on a day,
Till Marjorie's heart grew wae,
And she said she'd chuse another luve,
And let Young Benjie gae.
And he was stout, and proud-hearted,
And thought o't bitterlie,
And he's gaen by the wan moon-light
To meet his Marjorie.
'O open, open, my true-love,
'O open, open, my true-love,
'I dare na open, Young Benjie,
My three brother are within.'
'Ye lied, ye lied, ye bonny burd,
Sae loud's I hear ye lie;
As I came by the Lowden banks,
They bade gude een to me.
'But fare ye weel, my ae fause love,
That I hae loved sae lang!
It sets ye chuse another love,
And let Young Benjie gang.'
Then Marjorie turned her round about,
The tear blinding her ee:
'I darena, darena let thee in,
But I'll come down to thee.'
Then saft she smiled, and said to him,
O what ill hae I done?
He took her in his armis twa,
And threw her oer the linn.
The stream was strang, the maid was stout,
And laith, laith to be dang,
But ere she wan the Lowden banks
Her fair colour was wan.
Then up bespak her eldest brother,
'O see na ye what I see?'
And out then spak her second brother,
'It's our sister Marjorie!'
Out then spak her eldest brother,
'O how shall we her ken?'
And out then spak her youngest brother,
'There's a honey-mark on her chin.'
Then they've taen up the comely corpse,
And laid it on the grund:
'O wha has killed our ae sister,
And how can he be found?
'The night it is her low lykewake,
The morn her burial day,
And we maun watch at mirk midnight,
And hear what she will say.'
Wi doors ajar, and candle-light,
And torches burning clear,
The streikit corpse, till still midnight,
They waked, but naething hear.
About the middle o the night
The cocks began to craw,
And at the dead hour o the night
The corpse began to thraw.
'O wha has done the wrang, sister,
Or dared the deadly sin?
Wha was sae stout, and feared nae dout,
As thraw ye oer the linn?'
'Young Benjie was the first ae man
I laid my love upon;
He was sae stout and proud-hearted,
He threw me oer the linn.'
'Sall we Young Benjie head, sister?
Sall we Young Benjie hang?
Or sall we pike out his twa gray een,
And punish him ere he gang?'
'Ye mauna Benjie head, brothers,
Ye mauna Benjie hang,
But ye maun pike out his twa gray een,
And punish him ere he gang.
'Tie a green gravat round his neck,
And lead him out and in,
And the best ae servant about your house
To wait Young Benjie on.
'And ay, at every seven year's end,
Ye'll tak him to the linn;
For that's the penance he maun drie,
To scug his deadly sin.'


'O COME along wi me, brother,
Now come along wi me;
'O COME along wi me, brother,
Now come along wi me;
And we'll gae seek our sister Maisry,
Into the water o Dee.'
The eldest brother he stepped in,
He stepped to the knee;
Then out he jumpd upo the bank,
Says, This water's nae for me.
The second brother he stepped in,
He stepped to the quit;
Then out he jumpd upo the bank,
Says, This water's wondrous deep.
When the third brother stepped in,
He stepped to the chin;
Out he got, and forward wade,
For fear o drowning him.
The younges brother he stepped in,
Took's sister by the hand;
Said, Here she is, my sister Maisry,
Wi the hinny-draps on her chin.
'O if I were in some bonny ship,
And in some strange countrie,
For to find out some conjurer,
To gar Maisry speak to me!'
Then out it speaks an auld woman,
As she was passing by:
'Ask of your sister what you want,
And she will speak to thee.'
'O sister, tell me who is the man
That did your body win?
And who is the wretch, tell me, likewise,
That threw you in the lin?'
'O Bondsey was the only man
That did my body win;
And likewise Bondsey was the man
That threw me in the lin.'
'O will we Bondsey head, sister?
Or will we Bondsey hang?
Or will we set him at our bow-end,
Lat arrows at him gang?'
'Ye winna Bondsey head, brothers,
Nor will ye Bondsey hang;
But ye'll take out his twa grey een,
Make Bondsey blind to gang.
'Ye'll put to the gate a chain o gold,
A rose garland gar make,
And ye'll put that in Bondsey's head,
A' for your sister's sake.'