The Writings of Saint Patrick, the Apostle of Ireland/St. Patrick's Hymn in Ancient Irish

From Wikisource
Jump to navigation Jump to search
For other versions of this work, see mul:Fáeth fiada.
For other English-language translations of this work, see St. Patrick's Breastplate.

St. Patrick's Hymn in Ancient Irish.


From the MS. Liber Hymnorum in the Library of Trinity College, Dublin.


[The principal variants of the Bodleian MS. followed by Dr. Whitley Stokes in the Tripartite Life are given in the brackets.]

Atomriug indiu niurt trén, togairm Tríndóit
Cretim treodataid foisin [fóisitin Bodl. MS.] óendatad in Dúlemain Dail
Atomriug indiu niurt gene Crist conabathius
niurt [a Bodl. MS.] crochta conaadnacul
niurt n-eseirge co fresgabail
niurt toniud do brethemnas bratha

Atomriug indiu niurt grad hiruphín in urlattaid aingel
[i frestal nanarchaigul Bodl. MS.]
hi frescisin eseirge ar cen fochraice
in ernaigthib huasal athrach

i taircetlaib fatha
hi praiceptaib apstal
in hiresaib fuismedach
in endga noem ingen
hi ngnimab fer firean

Atomriug indiu niurt nime
soilse gr[ei]ne
etrochta snechtai [ései Bodleian MS.]
ane thened
déne lóchet
luathe gaethe
fudomna mara
tairisem talmain
cobsaidecht ailech

Atomriug indiu niurt dé dom luamaracht
cumachta dé dom chumgabail
ciall dé domm imchus
rose dé dom reimcise [imcaisin Bodl. MS.]
cluas dé dom estecht
briathar dé dom erlabrai
lam dé domm imdegail
intech dé dom ditin
sochraite dé domm anucul
ar intedaib demna
ar aslaigthib dualchet
ar irnechtaib [Bodl. MS. foirmdechaib] aicnid
ar cech nduine midús thrastur dam
i cein ocus inocus inuathed ocus hi sochaide

Tocuirius etrum thra na [Bodl. MS. indiu inna] huile nertso [Bodl. MS. neurtasa]
fri cech nert namnas netrocar fristi dom churp ocus domm anmain
fri tinchetla [Bodl. MS. taircetlaib] saibḟathe
fri dubseċtu gentliuchta
fri saibrechtu heretecda
fri himcellachht nidlaċta
fri brichta ban ocus goband ocus druad
fri cech fiss ara chuiliu [Bold. MS. adds corp ocus] anman duini
Crist domm imdegail indíu ar neim
ar loscud & ar badud ar guin
comchair [Bodl. MS. conimraib] ilar focraice
Crist lim, Crist rium [Bodl. MS. remam], Crist im degaid,
Crist inmum, Crist issum, Crist uasum

Crist dessum, Crist tuathum,

Crist illius, Crist isius [Bodl. MS. ipsius], Crist inerus,
Crist i cridiu cech duine imim imrorda [Bodl. MS. rodomscrutadar],
Crist ingin cech oen [Bodl. MS. duine] ro dom labrathar,
Crist in cech ruse [Bodl. MS. iruscc cech] nom dercaedar [Bodl. MS. duine rodomdecadar],
Crist in cech cluais rodam chloathar
Atomriug indiu niurt trén, togairm Trinoit
Cretim treodataid foisitin oendatad in Dulemain dail [The Dubl. MS. has here only the initials f. o. ī. d.]
Domim est salus, Domim est salus, Christi est salus,
Salus tua Domine semper nobiscum