The fables of Aesop by William Caxton (Jacobs)/Vol. II/Liber Secundus/Fable 5
¶ The fyfthe fable maketh mencyon of the montayn whiche shoke
Yght so it happeth / that he that
menaceth hath drede and is ferdful
/ wherof Esope reherceth to vs
suche a fable Of a hylle whiche
beganne to tremble and shake by
cause of the molle whiche delued hit / And whanne
the folke sawe that the erthe beganne thus to
shake / they were sore aferd and dredeful / and
durst not wel come ne approche the hylle / But
after whanne they were come nyghe to the montayne
/ & knewe how the molle caused this hylle
shakynge / theyr doubte and drede were conuerted
vnto Joye / and beganne alle to lawhe /
And therfore men ought not to doubte al folk
which ben of grete wordes and menaces / For
some menacen that haue grete doubte