The fables of Aesop by William Caxton (Jacobs)/Vol. II/Liber Secundus/Fable 4
¶ The fourthe maketh mencyon of the sowe and of the wulf
T is not good to byleue all suche
thynges as men may here / wherof
Esope sayeth suche a fable / Of a
wulf whiche came toward a sowe
whiche wepte and made sorowe
for the grete payne that she felte / by cause she
wold make her young pygges / And the wulf
came to her sayeng / My suster make thy yonge
pygges surely / for ioyously and with good wylle /
I shalle helpe & serue the / And the sowe sayd
thenne to hym / go forth on thy waye / for I
haue no nede ne myster of suche a seruaunt / For
as longe as thow shalt stonde here I shal not
delyuere me of my charge / For other thyng
thou desyrest not / than to haue and ete them /
The wulf then wente / and the sowe was anone
delyuerd of her pygges/ For yf she had byleuyd
hym she had done a sorowful byrthe / And thus
he that folysshly byleueth it happeth to hym