The fables of Aesop by William Caxton (Jacobs)/Vol. II/Liber Secundus/Fable 3
¶ The thyrde fable is of the theef and of the dogge
Hanne that one gyueth ony thyng /
men ought wel to take hede / to
what ende hit is gyuen / wherof
Esope reherceth suche a fable /
of a theef which came on a nyȝt[errata 1]
within a manns hows for to haue robbed hym /
And the good mans dogge beganne to bark at
hym / And thenne the theef casted at hym a
pyece of brede / And the dogge sayd to hym /
thow castest not this brede for no good wylle /
but only to the ende / that I hold my pees / to
thende that thow mayst robbe my mayster / and
therfore hit were not good for me / that for a
morsell of brede / I shold lese my lyf / wherfore
goo fro hens / or els I shalle anone awake my
mayster and alle his meyne / The dogge theynne
beganne to bark / and the theef beganne to flee /
And thus by couetyse many one hue oftyme
receyued grete yeftes / the whiche haue been
cause of theyr dethe and to lese theyre heedes / ¶ Wherfore hit is good to consydere and loke
wel / to what entencion the yeft in gyuen / to
thende that none may be betrayd thurgh yeftes /
ne that by ony yeftes none maketh some trayson
ageynst his mayster or lord
This work is a translation and has a separate copyright status to the applicable copyright protections of the original content.
| Original: |
This work was published before January 1, 1929, and is in the public domain worldwide because the author died at least 100 years ago.
Public domainPublic domainfalsefalse |
|---|---|
| Translation: |
This work was published before January 1, 1929, and is in the public domain worldwide because the author died at least 100 years ago.
Public domainPublic domainfalsefalse |
