The fables of Aesop by William Caxton (Jacobs)/Vol. II/Liber Tertius/Fable 14

From Wikisource
Jump to navigation Jump to search
The subtyl historyes and fables of Esope, Liber Tertius (1889)
by Aesop, translated by William Caxton, edited by Joseph Jacobs
Fable 14: The Man and the Wood

Translated from French by William Caxton and first published in 1484. Perry Index 302.

Aesop3795483The subtyl historyes and fables of Esope, Liber Tertius — Fable 14: The Man and the Wood1889William Caxton

¶ xiiij fable is of the man and of the wood

He that gyueth ayde and help to his enemy is cause of his dethe / as recyteth this fable of a man whiche made an axe / And after that he had made his axe / he asked of the trees / and sayd / ye trees gyue yow to me a handle / and the trees were content /   ¶ And whanne he had maade fast his handle to the axe / he began to cutte and throwe doune to the ground alle the trees / wherfore the oke and the asshe sayd / yf we be cutte / hit is wel ryght and reason / For to oure owne self we ben cut and thrawen doune /  ¶ And thus hit is not good to put hym self in to the daunger and subiection of his enemye / ne to helpe hym for to be adōmaged / as thou maist see by this presente fable / For men ought not to gyue the staf by whiche they may be beten with